饗和民

一直冇時間返香港排挽肉與米，最後竟然等到依個平民版炭燒和牛漢堡既出現😍即刻bookmark左去試！試前見網上評價半好半壞，所以冇抱太大期望🤨但可能因為咁，試完又覺得ok,對得住個價錢👌🏻環境：現場開放式廚房，見到廚師係炭爐前燒漢堡排，坐位係圍住個爐。食物：套餐已包兩塊漢堡、麵豉湯、芝麻醬凍豆腐、酸蘿蔔、蛋黃，仲有白飯任裝，所以一定夠飽。漢堡係偏向實既肉質，表面較乾身，但裏面都維持到肉汁，個人覺得送飯既話，鹹度適中。第二塊加埋蛋黃，的確係更好味🤤而配菜非常重要，因為食食下真係會漏！服務：侍應服務ok,但一去到再加白飯，就等好耐先有…價錢：炭燒和牛漢堡排套餐（$98）