10
1
0
Telephone
8118 9696
Introduction
Serving authentic and traditional cuisine of India. The authenticity derives not only from the chefs, recipes and preparation, but also the ingredients imported direct from India. continue reading
Awards and Titles
Michelin 1 Starred Restaurant (2016-2017)
Opening Hours
Today
11:00-23:00
Mon-Sun
11:00-23:00
Payment Method
Cash
Other Info
Certified Halal Food
Signature Dishes
煎印式豆蓉餅伴無花果乳酪 印式香蒜大蝦串 印式焗小羊腿
Review (12)
《一次生,兩次熟》最岩就係用黎形容我地同《皇雀》之間既關係,第一次我地好多野傻豬豬,連有免費水都唔知,比錢叫左支水飲,到今次我地除左有免費水飲仲有埋9折添!CP值大幅提高!其實9折好易有!只要你去威尼斯賭場入面申請做金莎會會員就得,免費嫁,夠21歲入去就可以!因為呢間係米芝蓮餐廳,賴生爲左尊重場合,專誠研究左一下餐桌禮儀!首先,唔好自己拉櫈坐,要等Waiter幫你,跟住連餐巾都唔好掂,佢地會幫你嫁啦,之後佢就會比drink menu你,通常有mineral water同sparkling water,但都要錢嫁,只要你話唔駛佢就會比普通水你(免費既) (屈小姐就無理咁多,一心淨係等野食炸)之後,當你落左order叫野食,仲會有個免費脆餅籃拎黎比你食住等嫁啦!因為所有野都即叫即煮,大約要30分鐘嫁!當日我地叫左2個前菜,2個main同3份naan,班waiters就好緊張(因為有1個main 同naan係後加既⋯),佢地勁驚我地覺得佢地服務唔好,又或者啲野有問題,其實係我地大食者,我地見其他枱一般叫1個main同2份naan share嫁咋!所以佢地好驚我地食唔晒!咪傻啦,有賴生係度麻!1)免費脆餅籃:⭐️⭐️⭐️⭐️ 只要一落完order就會送,每次都唔同款既脆餅,今次果幾隻係條狀爲主,好脆!點上啡黑色個醬甜甜地幾好食!2)印香燒鱈魚伴秘制芒果酸辣醬:⭐️⭐️⭐️⭐️⭐️《皇雀》拎米芝蓮其中一個原因係佢既擺盤呀,好靚又吸引到你既食慾!魚肉好實淨唔會散嫁!鱈魚味好出,配埋秘制芒果酸辣醬,酸酸甜甜又微辣,開胃又好味!3) 烤黑胡椒有機蜂蜜羊肉串:⭐️⭐️⭐️⭐️老實講,碟野同我地想像中既唔一樣,我地原本以為係一串串拮住既羊肉串,但係佢係免治羊肉煎出黎既肉卷 羊肉味都有既,而且唔酥!而黑椒辣辣地配埋蜂蜜既微甜更加突出左佢本身既羊肉味,整體不錯,我地都幾鍾意!4) 印式洋蔥燴羊小腿 : ⭐️⭐️⭐️⭐️⭐️呢道菜就係第一次我地黎食果陣已經覺得驚艷既菜式!羊小腿炆得超淋,一刀切落去就骨肉分離,最正既係佢連D筋都煮淋埋,賴生同屈小姐都爭食筋位呢!(謎之聲:賴生明明想比屈小姐食晒嫁麻,但被強逼進食⋯)! 加上個醬汁惹味,微酸但辣勁凌厲,辣味當你吞落去先係喉嚨湧番上黎!超正,點Naan一流!(雖然今次個辣無上次咁辣,同後勁咁凌厲,不過都好好味!)5)印式牛油雞 : ⭐️⭐️⭐️⭐️⭐️呢樣就係我地追加既小菜,旅行大食症又發作啦!係咖哩雞同牛油雞既選擇下,賴生揀左牛油雞,因為未試過麻!果然冇揀錯,個牛油雞好正哦!!本身有6大件去左骨既雞件,又滑又啖啖肉,雞味亦濃郁冇雪味!超得更特別係佢個汁,比一般咖哩更杰!牛油融化晒係個汁入面,香得黎又令個汁起砂,食落好滑口又帶粒粒口感,好特別!另外牛油令個汁好香甜,甜得黎又唔會遮到個辣味,好岩唔太食得辣既人試!而且因爲呢道主菜,我地專登叫多份Naan去點佢黎食,實在太好食啦!點解我地會話一次生,兩次熟呢?因為第一次去見到個餐牌有幾種Naan,有選擇困難,而我地係好想試晒嫁,奈何我地個胃空間有限!順帶一提呢度既Naan清一色$38一份!為左避免同一情況發生,屈小姐早於出發去澳門前已經細心做定功課,研究定唔同Naan既分別 (所以話,為左食,屈小姐真係會比200%心機架,就等我地比D意見你啦⋯⋯(識少少係度扮下代表先)6)印式茴香飛餅 Qarqui Paratha:⭐️⭐️⭐️⭐️飛餅係由印式餡餅轉變過黎,係將餡餅摺疊多幾層營造有幾層酥既層次,所以個餅係咁多中入面最脆嫁!不過茴香味唔夠同埋只有2塊,除非你真係好鐘意脆既口感,如果唔係單食就一般,點醬食還可以!7) 印式餡餅 Kulcha (Amritsari): ⭐️⭐️⭐️⭐️⭐️而餡餅就由Naan進化出黎既,係Naan入面加入要夾既餡,塊餅係由2層餅皮形成,中間係可以打開既,所有餡料都晒中間入面!D餡基本上唔會跌/甩出黎嫁!呢度既印式餡餅唔錯嫁,有4塊,口感亦偏脆,但冇飛餅咁脆,味道就比飛餅好,就咁食又得,點醬食都得!我地叫呢個就包左幾種餡係入面,有蔥啦,洋蔥等等,都幾香好惹味!8)風乾蕃茄辣椒乾Naan:⭐️⭐️⭐️⭐️⭐️我地一致認為呢款係最好食既! Naan就只係得1層分唔開既,咁D料點加呢?就係就咁鋪係Naan面,口感就係最軟熟果隻!佢最好味既原因係:本身味道已經好正!風乾蕃茄酸味好出,配上辣椒乾,酸酸辣辣好正!,當然,點醬食又另一味風味!最後,我地叫得多過上次,但反而仲平呀,CP值大幅提升!雖然食唔到屈小姐本來想食果個石榴撻,因為太飽啦屈小姐同到賴生一齊食到咁多好西,食少個甜品又有咩所謂呀!最緊要見到賴生食飽飽個滿足樣!不過賴生應承屈小姐,下次請你食番!#值得拎米芝蓮#另一澳門必食餐廳#旅行大食症後群#謝謝妳的溫柔體貼#食辣食上癮#真心推薦#Fine Dining continue reading
好多人來這裡吃午市自助餐,我從不,她的價值不只於此。因米芝蓮而來,但非因米芝蓮而再來。餐前小食有印度薄餅及麵包脆條,附上三款印度醬料。石榴燒雞就即是tandoori chicken 走辣版,軟滑味好。而羊架亦是滑再加上香料也是一絕,一碟有兩大件。芒果咖哩鱈魚,咖哩溫和非淡有後勁,不過略嫌份量太細。而菠菜芝士更是比傳統更合味~無論配上 house red Merlot 或 house white Viognier 也沒有違和感。Sommelier 選 house wine 放menu 值得一讚 。再加上侍應的專業服務及優美環境。無論是否米芝蓮一樣 on my list .記住,晚餐去質素x2!綜合評價:食物>環境>員工*綜合性價比:Wow! 物超所值 (幾好啊! 唔錯,有機會一定再來)*性價比1. 抵!(不代表平)超乎想像的驚喜(嘩! 無論怎樣一定要再來! 抵啊)2. Wow! 物超所值(幾好啊!唔錯,有機會一定再來)3. 正常, (可以, 但這個價錢坊間有很多選擇)4. 物次價高(都不是太差, 但這個價錢坊間有質量更好的)5. 有比較大的改善空間(填胞肚算, 失望) continue reading
(The above review is the personal opinion of an user which does not represent OpenRice's point of view.)
Level3 2017-03-14
815 views
網上按米其林list搜出來的,週六same day reservation訂到7:30晚餐。 餐廳環境很好,正中的鏤空立體孔雀很漂亮。餐前'麵包' 頗具印度特色,好吃。Duo of soup: 香辣蕃茄湯,有機雞肉湯。香辣番茄湯沒有很辣,番茄味道足夠,更多的是蔬菜的味道。有機雞肉湯,完全沒有中國雞湯的味道,全然另一種特色。椰香烤扇貝。碗裡鋪墊的東西很多,扇貝比較入味,口感稍微有一點點偏老,不過總體這道菜還是很喜歡的。西葫蘆燴豆。西葫蘆感覺有點硬,整體味道比較平淡,單吃還可以,但是配naan或者米飯就不太足夠了。這種綿密的口感卻味道不足的菜,感覺不倫不類。當晚最愛,咖喱雞。咖哩味道很好,配naan吃很入味。雞肉很大塊,如果小塊一點就好了。不過印度菜的肉都切的很大塊。主食點了我一直愛吃的garlic naan,蒜香烤餅。這家的naan做的非常好,餅軟硬剛好,外酥內軟,蒜味也恰到好處。還點了roti印度飛餅,我還是更愛naan。飲料點了青檸蘇打,以為是小清新飲料,結果非常重口味。還點了watermelon splash西瓜火花,上来一喝是鹹的,讓廚房重新做也沒有改善,最後乾脆叫了一個簡單的西瓜汁。吃過很多印度菜的我,依然有一些印度的味道接受不了。總體來講這家餐廳味道還可以,這環境加菜品絕對對得起他的價格。 continue reading
(The above review is the personal opinion of an user which does not represent OpenRice's point of view.)
掃食好西既旅程終於去到尾聲啦⋯,因為屈小姐最近愛上左咖哩,所以賴生就再次同Mr.O合作,加埋Google大神既協助,揀左呢間米芝蓮既皇雀印度餐廳!當然⋯賴生早係一個月前book定位啦!穩陣d麻!所以去到就即刻可以入啦!(可能因為我地平日夜晚去,全晚都仲有位嘅)一入去既感覺係:Wa!間餐廳樓底好高!張枱又好大!櫈都坐得好舒服呀!連裝修同裝飾都好有印度風味,幾好!服務都好好嫁,佢專登搵1個waiter serve 我地一枱,成餐飯都跟得好足!由入座,斟水,上菜,執野,埋單都好快手(有外國人waiters,又有講廣東話既,唔驚溝通唔到)不過呢,食呢間野最好要悠閒d食,因為呢⋯⋯佢d野係逐張逐張枱整既!waiter係你落完order之後會同你講大約要等幾耐嫁,而我地果晚唔算多人,大約坐左6成左右啦,我地都要等大概25分鐘,但佢不停有小食refill比你食住等,而且味道都唔錯嫁1)餐前小食 - 印度特色脆片拼盤配3款自家醬汁 (4星)(Free)- 有幾種唔同既脆片同脆條,每款本身既味道都唔同,有蝦味既,有胡椒味既!每種要配唔同醬先會更好食!賴生同屈小姐足足玩左一round先試哂,邊隻配邊款醬更出色!好好玩!- 三隻醬分別係粉紅色-偏酸甜味,綠色-薄荷味,同啡色-偏辣味!各有特色2)什錦拼盤 (4.5星)- 有2舊石榴烤雞,燒大蝦x2,同埋1條香煎羊肉捲- 石榴烤雞好出色,辣中帶點酸甜,味道層次好豐富,而且外脆內滑,真係必食!- 燒蝦好大隻!彈牙爽口!再加上有少少咖哩係面!正- 香煎羊肉捲就差dd,佢用免治羊肉整出黎,油左少少,而且羊肉味唔太出,比香料味遮左!- 一個拼盤可以試到哂幾樣野,加上佢擺盤極靚! 果然係米芝蓮!3)鷹嘴豆餅紅石榴乳酪沙律 (5星)- 有3舊鷹嘴豆泥整成既三角形餅沙律,個質感唔會好死實,一切就分開到(個樣好似三角朱古力咁)- 每舊都帶點點微辣,配埋個乳酪同紅石榴加少少沙律菜一啖過食⋯甜甜辣辣都幾開胃4)主角 : 炆羊小腿咖哩 (5星)- 隻羊小腿超級大隻呀⋯⋯好似聰明笨伯飛果個斧頭咁大隻😂! 我諗用黎做武器,真係扑死人嫁- 質感超正!佢雖然大隻,但炆得超淋,都唔駛用力切已經離晒骨!啖啖肉好正!最緊要連筋位都炆得好淋!最難得上佢好有羊味但又唔羶!超好味!- 個咖哩汁好正!一入口唔係好辣咁,但之後個辣就慢慢係喉嚨湧番上黎!好暖胃好惹味!點naan一流5)蕃茄辣椒 naan (5星)- 呢度個naan真係整得好好- 外邊邊位係脆嫁,而中間又真係軟!成個naan都in in un un又唔油!超正!- 最緊要係真係見到同食得到有蕃茄乾碎同辣椒碎!入口酸酸地加好微辣!淨食同點咖哩食都勁正!淨係都夠味!係賴生同屈小姐食過最好食既naan呀6)cheese naan (5星)- 一樣外脆內軟,in in un un,重要既係芝士拉絲+濃厚芝士味,一流!點埋咖哩,又唔會過咸,再多重味道享受!- 單論Naan, 呢間係我地食過整得最好食既!另外有樣野要提:佢之所以整得耐同拎米芝蓮,其實係佢個擺盤真心好靚淨睇樣影相都好吸引!而且佢每樣野食價錢唔貴,service又好,係超抵食既米芝蓮!不過係賴生食緊既時候,蚊都開緊餐!賴生被咬2啖,好彩有細心既屈小姐一早準備左比日本版無比滴,賴生先可以專心陪屈小姐食呢餐飯炸!#賴生終於同Mr.O合作成功#第一次比屈小姐讚揀得好#最好食既Naan#最細心既女朋友 continue reading
(The above review is the personal opinion of an user which does not represent OpenRice's point of view.)
Level2 2016-08-20
1741 views
香港朋友到訪澳門,於是相約佢地入住嘅酒店附近嘅餐廳,同埋平時搭船見佢promo好吸引。食物嘅名唔記得,但每樣都好靚好食。每樣價錢都係$100左右,但細細碟,啱幾個女仔一齊食好多款。呢啲餅,免費嘅,點嘅醬好味沙律+主菜甜品white wine室內裝修4個人食,埋單每人大概$250,同香港普通印度餐廳差唔多價錢,但呢間係一星,所以都唔算貴。 continue reading
(The above review is the personal opinion of an user which does not represent OpenRice's point of view.)