25
6
2
Additional Information
https://www.instagram.com/goat.bakers/
Opening Hours
Today
11:00 - 19:00
Mon - Sun
11:00 - 19:00
Above information is for reference only. Please check details with the restaurant.
即興朝聖 傳説中的「花杯子」🌸唔駛排隊就食到！！！好幸運！！！雖然食唔到小妹最鍾意嘅抺茶味🍵但款式都好齊全🥳🌟奶酪花杯子外層係千層酥皮，表層充滿焦糖香味，外脆內軟，一口咬落去啲餡料多到湧出嚟….同前排香港興起嘅布丁包有啲相似，而且冇咁甜，再加埋酥皮外層，層次又再昇華左🤩
continue reading
老馮澳門之旅之一日九餐第二站：Goat Bakers 分數：9/10食完新鴻發過隔離買包時間就剛剛好中學師妹提我一定要食！而你要食就要開店前排隊！！緊記11點開！連澳門朋友都話你哋咁誠心去排🤭作為香港人見到個價錢都覺得幾進取，但難得嚟到咁當然唔再理啦！睇相都見啲layers 不得了！！好高質呀！！！好耐冇食到咁高質嘅酥，好香脆，甜度十分適中，控制得好好好！推介食奶酪花杯子同開心果醬沙翁羊角抹茶花杯子：抹茶醬好濃郁，濃到有啲苦澀，未必太多人喜歡，但如果鍾意抹茶甘味應該就會鍾意啦，整體都食得好開心😀
continue reading
早排去左澳門搵美食🤤去左呢間超人氣🔥嘅大熱打卡麵包店買佢個葡撻奶酪花杯子🤤🤤早半年聽聞都要排成個鐘隊先可以買到，但我地近平日去竟然唔洗排隊😀😀原味奶酪花杯子 $38果然係招牌菜😆一拎起手就好聚手，咬落個皮好酥脆😋內餡食到係cream cheese🧀味，好滑身同埋有少少流心，食落唔會太甜，一人食一個啱啱好😋玫瑰味奶酪花杯子 $40一咬就好香玫瑰味🌹，仲鋪左啲玫瑰花瓣係面，食落更加香😆😆但我覺得玫瑰有啲漏😅雖然我都鐘意玫瑰味嘅食物，但呢個我覺得麻麻地，都係原味好食啲😆jan_foodie
continue reading
去澳門其中一個想去嘅地方，就係Goat Bakers🐏一直想試試佢哋嘅花杯子🌺本來預咗要排隊，好好彩閒日中午嚟到竟然唔洗排隊之餘，仲有好多存貨😋🔸奶酪花杯子🌼玫瑰花造型嘅花杯子好靚🌸 表面烤至金黃酥脆，拎上手亦份量十足，令人急不及待想快啲咬一口🤭花杯子咬落酥脆，面層帶微微焦糖，裡面係香濃軟滑嘅奶酪芝士🧀️，奶酪每咬一口都幾乎要爆出嚟🤤 不過稍有不足嘅係，花杯子係常溫近乎凍，如果係微暖及入口帶暖暖嘅酥脆感，應該會加返好多分😋🔸原味羊角🐏🥐另外買咗個原味羊角包，溫度依然係常溫，聞落帶牛油香，咬落微微酥脆，個人較喜歡牛油味重啲嘅酥。店舖雖小，但種類唔少，除咗烘焙產品之外，亦有咖啡及其他飲品買。一個花杯子配返杯咖啡，早餐或下午茶都一流😋另外買咗抹茶花杯子🍵及玫瑰花杯子🌹返香港繼續品嘗🤭🔸抹茶花杯子🍵抹茶我一般，但屋企人讚不絕口，啖啖抹茶甘香，芝士濃而不膩。我哋用氣炸鍋輕輕將表層烘返脆，表層輕脆。🔸玫瑰花杯子🌹表層有乾玫瑰花瓣點綴，聞落同食落都啖啖玫瑰花香🌹，反而覺得玫瑰無原味奶酪咁甜☺️如果咁啱嚟澳門又經過Goat Bakers，花杯子絕對值得一試🌺
continue reading
咁岩行過，岩岩開鋪冇人排隊，即刻每個"杯"都叫一隻黎試下。首先係幾大個，最好同人share唔係會食到飽哂食唔到其他野。咁多隻味，我地3個人最中意係玫瑰味，一黎食起黎唔會好膩，同埋花香味重，又唔會死甜。其他口味，特別係綠茶，苦得甘但唔知點解食落去有陣酸味，後勁好奇怪，其他既冇咩特別，如果要排隊 / 特登黎食就唔建議了。同埋佢有3款係凍既，我地都麻麻，因為咬落去都幾硬身。入面既醬又比較結身，所以唔太中意。
continue reading
You may be interested in