5
1
0
Telephone
+853 88831817
Introduction
Since 1940 featuring classic Shunde dishes, signature with 'Chicken Abalone Shark's Fin soup', you 'll learn how could shark's fin perfectly match with the rich booth. continue reading
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Payment Methods
Visa Master Alipay Cash AE UnionPay JCB WeChat Pay Macaupass, Mpay
Number of Seats
60
Other Info
Alcoholic Drinks
Parking
Phone Reservation
10% Service Charge
Outdoor Seating
Signature Dishes
Deep-fried Crispy Crab Cake Braised Supreme Shark’s Fin & Chicken Stock Poach Chicken with Spring Onion
Review (8)
Level7 2019-11-26
595 views
整個下晝在天浪淘園玩水,一家三口攰到趴喺度,尤其是小女兒,上到酒店倒頭便睡,食晚飯時間因此推遲了。原本想去「陶陶居」,但原來幾個月前剛剛結業,而且亦沒有時間出返去澳門(因為要趕去睇煙花);索性就在酒店附近的另一間澳門老字號的分店「鳳城禮記」開餐。餐廳並非在酒店基座的高級商場內,而是位於一條模仿老澳門(氹仔)風情的食街;兩邊都是較為平民化的餐廳,其中有幾間是薄有名氣的澳門老字號餐廳分店,「禮記」正是其一。既然模仿食街,有不少餐廳索性在室外擺放餐枱。「禮記」在澳門有70多年歷史,與「陶陶居」及「李康記」同樣有不少捧場客。三間老字號酒家的相同之處,全部都以魚翅馳名,但又可以豐儉由人。午市套餐的價錢就非常吸引,幾十蚊就有老火例湯、精美小菜一碟及白飯一碗,話晒都是澳門老字號飯店,真的幾吸引。既然幫襯「禮記」,當然要食魚翅(雖然有違近年保育物種的大趨勢,但幾年先食一次,就當任性一次吧!)餐牌上有多款不同價位、不同炮製方法的魚翅可供選擇,由於鍾意飲湯,又想翅針粗一點,揀了雞煲大鮑翅(2位用)($488)。魚翅本身淡而無味,所以食魚翅最重要係湯底。「禮記」的魚翅湯底以鮮雞、西施骨、金華火腿熬煮 8小時而成;所有熬湯材料的精華及膠原骨質徹底融入濃湯之內,呈淡黃色、濃郁而不透明。湯底味濃而不油膩,啖啖充滿鮮雞及金華火腿原味。二人份量可以分到四小碗。一梳梳原隻小翅,雖然翅針唔算很粗,但大大啖放入口,很滿足。一如所料,魚翅無味,其實湯底才是精華。食翅只是為了滿足心理慾望,下次都係支持保護鯊魚,唔再食翅。波士頓龍蝦($288)揀了芝士焗及伊麵底,但見唔到明顯的濃稠芝士醬汁,有點奇怪?! 雖然是游水龍蝦,但肉質唔夠彈牙爽口、龍蝦鮮味亦唔突出,有點失望;加上冇明顯芝士濃香、只有淡淡芝士鹹味,失去了芝士焗的原意。伊麵亦唔見得理想,太軟、太腍,缺少了伊麵應該有的綿韌口感。鴻運炸子雞半隻($108)望落去似乎對板,但原來炸子雞被唔夠脆、雞肉唔夠入味、質感亦唔夠嫰滑。好在價錢唔算貴,但整體味道真的不太好,同普通大排檔質素差不多。椒鹽鮮魷($78)令人失望,似乎只是隨便沾上少許乾粉炸香,然後再沾上生蒜蓉翻炸。魷魚炸得唔夠香口,但又炸得太過乾身,口感唔理想;味道唔夠惹味,咬落唔夠爽口。總之,每個範疇就總是欠缺少少,並不是一碟好食的椒鹽鮮魷。試了三個小菜,有肉、有游水海鮮、亦有香口小食,未至於難食、價錢亦唔貴,但作為一間有70幾年歷史的老字號,出品質素就確實令人失望。唯一值得讚賞的就只有雞煲大鮑翅,湯底靚、魚翅分量亦足料、定價亦相對合理 ⋯⋯ 但如果積極支持環保、保護瀕臨絕種海洋生物,唔食魚翅的話,就可以不來了。 continue reading
(The above review is the personal opinion of a user which does not represent OpenRice's point of view.)
Level3 2018-08-23
1397 views
暑假尾聲又唔想搭貴飛機外出旅遊,最好就係去澳門玩,一行十人嚟到呢間老字號酒家食晚飯,今次已經係第二次嚟,因為上次掛住食,忘記影相,今次補影分享返呢度嘅菜式有幾咁吸引,每樣都煮得非常出色,大家都食得好開心,去澳門玩嘅朋友不妨試試啦! continue reading
(The above review is the personal opinion of a user which does not represent OpenRice's point of view.)
Level4 2018-07-03
1534 views
食過幾次添發想轉下食店、試下新野麻,上網調查過多間魚翅店,最後決定禮記。事隔幾年又再次踏足澳門,身邊的又是另一個,您估我想架?時也命也。落船即刻跳上的士,四眼肥姐司機都不知道禮記在那裡,幸好都識得車我地到百老滙大街啫,問問路轉個彎就在不遠處。早餐都未食,第一餐已經係午飯喇,好肚餓呢﹗步入酒樓只得一對父婦在進餐,幾乎包場,何解那麼冷清?澳門非常樂於被赤化嗎?全部侍應都是來自神州,操州語,仲要唔識廣東話!我問如何走到新濠天地,她們只識用普通回答,失望。美女走出門外抽抽煙,我就負責發板啦。套餐 $1000 蚊,快靚正唔洗諗,而且非常豐富,雞鮑翅湯、蝦子雜菌海蔘煲、蔥油淋雞、高湯浸莧菜、清蒸青斑仔、桂花糕。雞鮑翅湯,雞味清淡,奶味濃郁,翅針也不少,湯料有金華火腿絲又有雞肉,每人有兩碗多,味道可口甜美黏黏的,蠻不錯呢。蝦子雜菌海蔘煲,吱吱喳喳香噴噴送上,鑊氣迫人,再兜炒兩下,蝦子氣味更突出更芳香。秀珍菇、雞髀菇、鮮冬菇、鮮草菇,全部鮮爽味甜。海蔘絲本身無味,混埋雜菇齊齊食,零舍不同。最後再來兩棵爽甜西蘭花清清味蕾,完美的結束。蔥油淋雞,涼浸浸白切雞嫩滑彈彈,半肥瘦無肥膏,雞甜味突出,肉地有嚼勁而不鞋不乾。蔥油惹味不腥嗅,搭上雞肉蔥油撈飯極之惹味開胃。話明唔想食太多飯,最後都失守了,兩碗飯全數消滅,罪過罪過。質素好過港雞百萬,味道好過港雞千倍,雖然不是熱食,但色香味俱全,無得頂呀﹗驚喜的演繹與烹調,拍爛手掌。清蒸青斑仔,即叫即劏蒸魚需時,十五分鐘騰雲駕霚出場 ﹗姐姐們不拆魚的?無緊要,停我親手處理。蒸得略為有點過熟,魚肉實淨微鞋,有鮮味有魚味,味道不錯,啖啖肉入口非常暢快,魚肚及臉珠登最嫩滑美味。何解用上甜豉油?味道怪怪的喎,用豉抽、用蒸魚豉油才是麻。上湯浸時蔬,最初還以為係蕃薯苗,食緊既時候都覺得蕃薯苗,夾起細看下發現葉身好長喎,莧菜來的呢。腍腍的,不爽但鮮甜,大注大注地塞入嘴中,滿足又滿意。真的真的十分飽啊,真的真的好滿足啊,食飽充滿力量與美女向著賭場出發,殺呀﹗ continue reading
(The above review is the personal opinion of a user which does not represent OpenRice's point of view.)
Level1 2017-12-25
1362 views
8:30到百老汇食街还是很旺,刚好外面有桌刚走,服务员很忙但态度超好,一家吃得很满意,🐔鲍鱼翅汤很浓很到位。坐外面气氛很棒,很干净。还有很多合理价格的葡萄牙葡萄酒气泡酒选择。 continue reading
(The above review is the personal opinion of a user which does not represent OpenRice's point of view.)
Level4 2017-11-01
1402 views
澳門百老匯大街真係好多嘢食!輕食又有、糖水甜品又有、馬來西亞嘢又有、台灣嘢又有、小龍包又有、粥粉麵又有、街頭小吃又有、呢回就嚟呢間禮記...試吓小菜!三個人叫咗四碟菜..份量啱啱好!我哋 order 咗椒鹽茄子🍆...呢個真係超 like!外面鬆化,茄子又juicy👍 咕嚕肉好多菠蘿🍍酸酸甜甜..好味!蓮藕餅第一次食...煎得好香!炸鮮奶依家吾係周圍都有得食。啲奶入口即溶,做得相當吾錯!最重要既係三個人食..加茶介再加埋一...都只不過係MOP350! continue reading
(The above review is the personal opinion of a user which does not represent OpenRice's point of view.)