里斯本咖啡室 (Closed)

呢間餐廳係澳門朋友推介去食嘅地道葡國菜餐廳，覺得餐廳嘅裝潢好有情調🥂， 價錢相比其他澳門葡國餐廳平，食物質素有過之而無不及，叫左4道菜埋單$500蚊內炸！🥰🥰我就介紹下其中最值得食嘅兩道菜啦！馬介休球前菜必點呀！非常香口，外皮所用嘅粉好薄，炸得好鬆脆，又唔會太油😊非常開胃，餡料係馬介休同埋少量嘅野菜、香料葉、洋蔥粒同埋薯蓉，馬介休係鹽漬鱈魚，有咸咸香香嘅味道，食完一粒又一粒，係必選嘅餐前小食，送酒都一流😁🍺葡國海鮮燴飯葡式嘅海鮮燴飯係偏向多汁，我好鍾意湯泡飯，所以呢個岩晒我口味😍湯底係蕃茄湯底，配搭海鮮去熬製，成個湯底好鮮甜，海鮮配料有成7種，有魷魚、魚肉、大蝦、蜆、青口、扇貝、蟹柳😋飯粒吸收左湯汁嘅精華後，真係好鮮味💖燴飯仲加入左蔬菜粒，有三色椒，胡蘿蔔，野菜等等，材料好豐富！

今次第二次食啦，依然超好味，要讚多次呀。哩餐都有叫番牛扒配磨姑汁，牛扒一樣整得剛剛好，佢個磨姑汁真係無得輸，我食薯條之餘，仲食多左個包，d 汁送包，好好味，絕對令人想再食過呀！葡式焗豬肉薯仔粒哩個超好味，我地係見到人地枱葡萄牙人叫哩個食，所以都試下。D 薯仔入哂味呀，佢醃豬肉既汁好special,唔係中式甘既味，佢碟底仲有d 汁，店員教佢地係點包食埋佢嫁，我梗係照跟。雖然d 汁連豬油都索埋好邪惡，但真係好好味，精華黎喎！今次甜品試左個cookie cake ,見佢係最尾俾人食哂，應該係好味既。佢好似木糠布甸甘，係布甸換做曲奇，唔甜，但太大份！原味焦糖布甸一如以往，好好味

個個澳門同事次次都見議食哩間葡菜。佢開係住宅區，真係要local 人帶先知，完全唔係遊客區。係哩度一個遊客都無，一入到去，成店見到一半葡萄牙人，一半中國人面孔但一路講葡文，又講下中文，佢地係土生土長既澳門人。每個人都好似識甘，應該係街坊成日幫親，有d 人食食下去左外面食煙，又會同其他枱既吹水。成個感覺好friendly哩度好葡式。先叫左個葡萄牙牌子既汽水，係菠蘿味，好好飲，似菠蘿汁汽水。同事話哩度最緊要食燒烤野，係即燒，炭烤既。燒黑毛豬肩肉超好味，肥瘦剛剛好，食到個炭燒味，外面個邊脆卜卜，肉就淋既剛熟。會配埋沙律加薯條，正正磨姑汁燒牛扒勁好味，無論個厚燒牛扒，我地叫左7成熟，塊扒有d 肥膏，好好好rich.重點黎啦，係個磨姑汁,我俾200 個正重有配面包同薯條，面包有兩種，原個葡式包加多士，配埋個汁，係絕配！甜品試左橙味布丁，係甜既，始終外國人食甜品係超甜既，全場個個人都會叫一件黎試，係佢地傳統甜品，值得試。哩間真係highly recommend ar! 我會再來呀，好好味呀，救命。

叫了餐牌上的HOT DOG熱狗。來了個豬仔包夾住1.5條香腸(超市一包十幾條那種😑😑）價錢$35😑😑😑 然後叫杯ICE Chocolate (凍朱古力奶），來到是暖暖的😖 所以叫店員加冰（給了我三小粒），後加的冰都好快消失了，最後還是一杯暖朱古力奶😭

今次去澳門, 本地人介紹呢間小餐廳.....本人一向對葡菜無情意結, 澳門葡菜對於我黎講係 "甘貴唔知食咩野?"終於, 呢日有d改觀....膽粗粗叫左 "忌薕焗馬介休", wow, 真係正到無朋友.....馬介休多到, 啖啖都有!! 雖然係cream肥左d, 不過好鬼野味!!另外, 又叫左半隻烤雞.....真係有陣炭香味, side dish 既 薯條, 明顯係即用一個薯仔切開再炸......正!!!葡啤又平, 都係15蚊支 加埋salad, 埋單220....去邊到搵!!一路食, 仲見到好多鬼佬黎買take away.....!!希望唔會讚壞佢啦