青洲劉記美食 (Closed)

元宵節過澳門，慕名到青洲劉記，一路問過去，位置很偏僻，經過一間惡臭垃圾站才到，讓你想嘔。確發現是普通的茶餐廳一間，賣粥，粉，面，雖然好平，點了豬扒面，牛腩面，雲吞面都是十五元一份，豬扒包，魚蛋椰菜，奶茶，埋單75元，完全沒特色，不好吃，也不算難吃。位置太偏，山長水遠，不值得去。

一到澳門就呢呢度, 因為呢間係我最想食嘅. 由於行程安排係遊澳門靚嘅建築物, 所以全程係 plan 行路嘅, 酒店車去到關閘, 再行過來約 15-20 分鐘, 大家唔想行又唔想搭 的士的話, 可搭青洲巴士, 落車行兩步就到.佢其實就係青洲小學後邊, 見到蓮花巷行入去左手面就係.由於得兩個人, 又有好多嘢要試, 所以只係叫咗 : 豬扒飽 : 正, 豬扒夠香, 夠脆, 飽又熱又軟, 好過大利啦!!咖哩雞絲撈丁 : 咖哩雞絲好夠味, 撈丁唔算淋, good!!食完無口乾, 下次呢要試多啲其他嘢 (因為我見到人食好多嘢我都想試吓) ..............

過大海之前一早就上OPENRICE搵到要食啲咩, 希望今次食一啲自己未黎過既食店。青洲劉記真係好隱密, 一落船搭左差唔多40蚊的士黎到, 不過俾我想像中易搵得到呀。估唔到差唔多五點既時候, 仲係有好多人黎食野喎, 搵到位即叫豬扒包, 西多, 魚旦同豬扒搾粗,魚旦同豬扒撈粗又真係幾好, 不過我諗試過一次就算啦, 因為都係隔涉呀。不過值得一提係依喥啲姐姐好好人架, 因為我地冇叫野飲, 姐姐拎左兩杯茶俾我地呀。

食完木糠布甸一團人步行回威尼斯，讓食物落落格，領回行理之後又再出發﹗乘坐到關閘的免費酒店車，下車再轉的士，到達上次來澳門吃不到的青洲劉記﹗早幾日其實友人已打電話來問問佢xmas會不會開，行入小巷時都擔會唔會呃我地，好在最後找到其門口，門庭若市。仲記得國慶來到呢間野門口摸門釘，搭成百二蚊的士來嬲死人，地點確不就腳，如不是上次來過真係會唔識路﹗劉記全場爆哂，待應姐姐十分好人，為我地在門外開張新枱，又介紹我地要食咩，當然是呢度最出名既豬扒包啦，另外姐姐話咖哩雞絲包同埋魚旦都係呢間的招牌菜，就叫哂所有大家share﹗先談豬扒包，不少旅遊書都話呢間出品的豬扒包是全澳門最地道最好味的，新鮮即叫即做，上枱時包面仲係熱辣辣的，豬扒不算大塊，是剛剛一個豬仔包的size，吃落豬扒有肉汁，十分軟熟一咬即開，一點筋也沒有，豬扒應是有揀過的，味道是挺好不過我同食家就覺得呢度既豬扒醃得唔太入味，較淡口，沒有大利來的惹味風情，不過講到肉質之鬆軟程度，劉記確是名不虛傳﹗再試咖哩雞絲包，餡料是以咖哩、大量洋蔥碎及雞絲而成，料多到漏出來，吃落麵包夠熱夠脆，味道帶少少辣醒神又惹味，吃後滿口咖哩洋蔥香，全團六人都覺得呢個包真

2009.11.28 - 去澳門看草蜢演唱會前的下午茶, 好彩有"好心人"教我們落車及"點行".因位置都幾隔涉!坐低先叫1. 咖喱雞絲捞粗 $13.00 - 一定要叫, 勁多雞絲及好香濃的咖喱汁2.炸魚旦 $10.00/8粒 - 食得出用好多魚打成的,有返細個在街边食炸魚旦的滋味3.凍奶茶 $8.50 - 看見很多澳門人叫. 茶味濃, 但下次想試吓凍啡4. 西多 $12.00 - 嘩嘩嘩! 超好味. 外脆內軟, 一食難忘.5.豬扒湯面 $14.00 - 老公話最好味,豬扒軟熟, 生面出色, 也是必叫, 至於叫"豬扒"加面,包或多士就十分個人喜好啦!6.奶西多 $13.50 (追加) - 個人應為西多好食好多, 不用加煉奶.Total $71.00

從新口岸一下船，就乘的士到此店吃推介給同行遊人的豬扒包，四個月前於炎夏與其他朋友一齊到過此店一嚐豬扒包，驚天為人，西多更勝過香港茶餐廳。點了豬扒包、西多、炸魚旦、豬扒撈丁的食物。炸魚旦：自家制，濃濃魚味，有咬口，很不錯。豬扒包：豬仔包內軟外脆，淨食包亦很不錯，配上馳名豬扒，啖啖滿足。西多：上次在熱辣辣天氣下，食炸西多都覺得好好食，今次一定推介同行友人，最多中間冇花生醬餡料，亦是外脆內軟嘅美食。環境雖然是大排擋，衛生程度可想像，但如要一嚐美食，就要融入這大家庭！服務其實亦很不錯，不是專業的waiter，但一定笑容可掬嘅阿姐們！

去到澳門，一落船第一站必然要去這裡，真係好重的心癮。立即叫了豬扒包、魚蛋水餃撈麵、叫了一杯熱奶茶和熱檸茶。豬扒包 ($11) : 次次去到一定要叫，次次水準都能維持咁高，豬扒入味，煎得剛剛好，麵包鬆軟，兩隻食物配合得天衣無縫，好到不知怎樣說。魚蛋水餃撈麵 ($13) : 魚蛋外表和出面d比較是大一些，但味道好好，入面有馬蹄粒的，真係和出面一些唔同，水餃和麵更是一流，我在香港跟本食不到這樣好的麵，如果香港都有一間這樣是的麵店就好了.............................如果要食環境就不要來了，因為外表好像係廢車場中的一個森林，森林中的一間鐵皮屋一樣，今天更見到有些客人更帶了狗來，d狗更在亂吠，混亂一場.......但食完d食物之後，這些因素可以完全無視了。食完今次已經想定下一次幾時再可以來.....厲害。

見人人都order西多, 就知係好野order 了一份, 一切下去就已經叫人O晒咀, , 急不及待咬下去, 像棉花的鬆軟, 從未吃過如此好吃的西多, 不枉我專程到訪!魚彈都好精彩, 非一般行貨 可惜附近很多鐵皮屋, 我吃飽時, (在門外) 也被蚊叮了幾口

今次去澳門大家指定要食嘅係豬扒包，多次去澳門都食唔到出名果間，其實要花上多時間去等一個豬扒包又好似好無謂咁，所以都係澳門openrice search到呢間大家激讚嘅店，所以一定要去試。原來此店距離澳門碼頭不太遠，搭的士都係約35蚊，但就在青洲小學後面，真係要搵一搵。大排檔feel， 一定係熱死辣辣架啦，好彩有好多把強力扇，如果唔係食到標油.....大家order左好多野食：豬扒包：包身表面脆，內里很軟，好正，豬扒亦醃得很好味。豬扒撈粗：豬撈固然好味，但麵條亦不錯，撈上汁，好味道。油菜：勁抵，阿姐話3.5一碟，唔係細細碟，亦很甜。西多士：勁好味，多士很厚，不像香港的西多中間亦沒有挾著花生醬，實在太正了！雞翼：多種食物中較平凡的一種。炸魚旦：初初以為類似四海啲炸魚旦咁，但原來係用上魚肉炸成，很好味！服務方面很不錯，阿姐都好nice！

第1次6點先去到, 已經收檔, 摸門釘... 決定第2日一定要食到. 好好味wow真, 豬扒好"林"好入味唔會乾真真~ 真係冇去錯. 都唔係好遠姐~ 可以坐8号巴士呀!!

之前2次想食佢,可惜碰啱1號,同佢無緣,終於may 30, 09,共6人(full team+1位新朋友)嚟食午餐 : 1) 豬扒包 x 2-因太多客,所以必定喺剛做起貨色-個包暖熱,亦鬆,外少脆-豬扒調味剛好,亦juicy,有肉質 2) 豬扒撈麵-撈麵喺爽口,沒太重嘅鹼水味 3) 咖喱雞絲撈麵-新友人好鍾意食呢個-咖喱惹味,但又唔會好辣 4) 炸魚蛋 x 2-唔喺漲爆魚蛋size-但勝在彈口又有些微嘅鮮味-有d令我諗番起少時常去嘅紀文炸物-所以encore咗1碟 5) 雞扒撈麵-雞扒合格啦因肉未夠juicy 6) 咖喱雞絲包-我就無"胃"置收容到佢 7) 飲品 x 6

難食鬧市無人問，好味深山有客臨。這句說話比諭青洲劉記最好不過。踏出外港客運碼頭正是上午十時三十分。我和家人均感腹鼓雷鳴，驀然想起澳人推荐的青洲劉記，即揚手截乘的士前往目的地。到了青洲大馬路車子停在青洲小學旁，車錶索價不足$24。要往劉記可從連學校左邊的蓮花巷轉右，或修女會右邊的蓮花街進入轉左。劉記位置貼鄰學校及修女會的後方(見圖)。劉記用的都是摺檯，加椅容易，位子不難找。我坐下來柯打豬扒包$11、凍檸茶$8.5及凍奶茶$8.5。在不斷翻著餐牌猶豫不決幫家人叫什麼的時候，樓面阿姐推薦了她們的豬扒湯麵$14，說道非常抵食；Okay，辜且相信妳的說話，就看看妳的來頭究竟是什麼模樣。 豬扒飽和飲品端來，凍奶茶與凍檸茶甜度適中，不用貴客攪溶糖水；茶膽用上立頓茶葉沖製，檸檬不是國產貨色，很有檸檬鮮味。主角豬扒飽出場，真是美貌與智慧並重。豬仔法飽沒有平常吃的那麼厚身，麵粉密度不高，吃起上來除了皮脆肉軟，飽身不會令你有口涸的感覺；這會否是造飽師傅細緻的心思呢？說到豬扒本身更值一讚，沒有多餘食粉醃製、很惹味不油膩、肉身厚度平均不是將貨就價薄薄一片；從豬扒發出的成色光澤，肯定不是用千年油炸製.....異常

其實劉記响我細細個既時候已經存在, 經過早幾年比人放火 (係, 係比人放火!!!)後劉記已面目全非,但食品水準依舊高企。黎到劉記當然係食佢出名既豬排包。以我黎食通常會叫豬排多, 因為我驚佢d豬仔包硬, 咬唔開, 但上次去勇敢地叫了"豬排包", 我一切既疑慮都消除, 因為個包真係做得好好, 一d都唔硬, 熱辣辣兼鬆、脆, 好味。豬排唔駛講, 之前既食評已經講晒。另外佢既清菜都好值得推介。點解呢? 因為佢既菜心 (唔知係咪次次一樣)係用菜心苗, 好嫩。我估佢用左面既湯去淥菜所以菜好腍; 另外我加左魷魚, 好味~價錢都好似係$6定$9, 响香港一碟油菜都一幾蚊啦...仲要剩係識得加毫油同腐乳, 了無新意。另一特色係魚旦。唔係一般既魚旦, 佢係"鱸魚"做既魚旦, 所以比較有口感,加埋咖哩汁, 一流。umm, 仲有咖哩雞絲多(my favorite is 咖哩雞絲蛋多) 都好好味, 洋蔥夠香, d汁多都流晒出黎, 諗起都想即刻食。誠意之作。附近係跑狗場, 如果夜晚有賽狗,仲可以玩埋先走。

成日見到網友推介，所以特登去試吓兩個人點了以下:豬扒包 - 豬扒又腍又入味，唔會乾爭爭，好食過大利來。豬扒撈麵 - 嘩！正呀，撈麵仲正過豬扒包，第一淡食落去好似有陣肉絲炒麵味，唔知係咪佢D汁呢....應該係蠔油，但同香港D味道唔同架。連我朋友仔咁嘴饞都話好味呀。奶油多 - 一打開份多士，入面D奶油多到飛起，有成湯匙咁呀...正呀....我同朋友仔都好意外呀！菜心跟腩汁 - 係澳門唔知點解廣東粉麵比較遜色，特別係牛腩，佢哋D汁唔太好味囉。但呢度的腩汁唔錯，比較接近香港的味道，而且今時今日咁的環境賣$3.5，仲想點呀！凍奶茶 - 茶同奶的比例唔錯。茶味有D特別，應該係自己溝的。總括，朋友仔咁嘴饞的人都話好味，呢間真係唔錯，所以抵我哋一連兩日都去幫襯佢囉。

豬扒包，豬扒一般，係個包比較脆炸魚蛋，好似燒野食o個d咁間舖實在太難搵，同埋食食下會有車o係枱後面經過…好唔衛生