雄裕老地方美食

Open Now

Now Closed

這個店,有空調無裝修,有口碑但坐得不舒適!偏偏對我有好大吸引力,因為有豬骨煲,還有食友提及的冬蔭花甲蟹煲:單單運用想像都知道好味。終於今晚來一嚐其滋味豬骨煲這裏做的就只有瓦煲胡椒湯,冬瓜件及大大件骨頭,簡單直接,豬骨味香甜,只可惜這夜筒骨較少,令人吃罷有唔夠喉之感覺。湯底胡椒味極強,如果換轉是冬季時候喝口湯,必定魂飛千里。而冬瓜最尾索盡肉味辣味,也回味無窮。泰式花甲蟹煲足料!膏蟹仔三四隻、花甲必有半斤或以上、中型大頭膏蝦亦不少於七八隻,配菜有些黃牙白及大量雜菇類!!!襯著泰國酸味湯底,香甜醒胃!所有海產吃入口都是鮮甜無比,美中不足要是冬蔭湯做正宗一些,對我好辣者來説更是福音脆腩肉地爽脆但件頭較細牛肉及鷄腸鷄腸必吃,尤其用骨煲湯輕灼一分鐘,爽口肥美,促使我們八個人消滅了四碟!牛肉都可一試獅蚶泰式做法:灼得有八成熟,然後醮酸辣汁,令人想起曼谷唐人街T&K尖螺其實是為着好奇而叫,吃時需要稍用力將肉吸吮出來,肉偏瘦削。試一次便可收手。今次共乾了兩個骨煲兩隻乳鴿啤酒氣水理單$1020抵食巳預備十月中再來一趟

新年新開始，梗係食餐好，要介紹既係澳門都幾隱世既雄裕老地方。睇網上食評同資料就唔太多有介紹過，現場去到亦都以澳門本地人食飯為多。以食煲為主，雞煲、水魚煲、蟹煲、海鮮煲咩煲都有，亦有不少海鮮及小炒供應﹗價錢相當大眾化，起碼平大馬路附近的食店接近一倍﹗門口堆滿各式各樣的貝殼類，大家都知我是貝殼lover，係貝都鍾意食，未食飯在門口已知呢間野岩哂我﹗店子少少分兩個鋪，大排檔小店格局，全無裝修可言﹗呢晚8:30pm左右來到，岩岩有張吉枱即時入座，遲多十五分鐘都要在門口等位，真係好彩﹗青島$12支，飲得幾多叫幾多﹗見到有此店自家釀的糯米酒出售，很想試試但有了聖誕的斷片事件後，內心掙扎下還是謹慎一點比較好﹗來這兒就是為了這個泰式冬蔭公花甲蟹煲﹗足料非常，有水蟹兩隻、大頭蝦十數隻、花甲都有大半斤，另加大量雜菇、雜菜等﹗我同食家最愛係佢個湯底，冬蔭公湯頭鮮帶微辣，配海鮮味道很夾，食落樣樣都新鮮﹗大大煲我地四個人食岩岩好﹗最重要係價錢，呢個湯底令人驚訝地只係$200，咁重料都咁抵真係令人吃得格外開心呢﹗大頭蝦雖不是什麼貴貨色，不過食起上來隻隻有膏，肉又彈牙，好味道﹗見個煲咁平梗係唔介意叫多幾樣食飯啦﹗豪

每次過大海都會去 , 去左 3-4次啦. 雖然地方偏僻, 但好c旺場.d 煲好多款式, 又足料抵食, 其他小菜一樣大碟兼好味.豬骨煲多料 , 最重要胡椒好重, 唔同香港深圳果d. 泰式花甲蟹煲 " $200 , 超正....大家無聊數一數:大花甲有 17隻, 大頭蝦都超過10隻, 兩隻靚花蟹,什菇,青椒,蕃茄, ......個個枱都望過黎, 真係好好味好滿足...

十月時，同男朋友仔去左澳門而男朋友話黎澳門既目的~~係食呢個好好食又抵食既豬骨煲~因為男朋友工幹時食過~~抵食~~話一定要帶我黎食個日仲落大雨，不過無損我地去食豬骨煲的決心我地叫一個細既胡椒豬骨煲，不過都好大呀...佢比埋條飲管你飲豬骨入面個D骨髓架都好食呀...成日睇TV見到~~~我都係第一次咁食~男朋友就話大煲，仲多骨髓骨個煲都唔算好貴... $100 ...入面仲有D冬瓜~~滾林晒~~入晒味~~好食呀~~我地仲叫左海鮮打邊爐，有大頭蝦同花甲，例牌，但大大隻架相見到個D海鮮~我地食左近一半啦~ D花田真係好好食大隻好鮮味男朋友話海螺都好好食架~可惜怕食唔晒無叫~~哈哈~下次有機會再試值得一提，飲品方面除左汽水，仲有鮮榨蔗汁聽講係佢地自己榨，好清甜我覺得OK啦，因為我唔好蔗汁，男朋友都話ok食左好多野 ，total都係 240左右~~抵其實呢間鋪門口有D細櫃放左D海鮮係度養緊，你可以睇下有咩好食雖然環境一般，有D迫tim...但又抵又好食，我見人地又叫生蠔又叫小菜仲有人叫藥材雞煲，佢d煲真係好多花款，水魚都有....成晚keep住有人黎食，眼見應該都幾多香港人都黎呢度食可能因為呢度近