2
1
0
Telephone
+853 2897 2970
Payment Methods
Above information is for reference only. Please check details with the restaurant.
我所說的唔係食物, 而係店舖 表面上係一間食麵既極細茶餐廳, 我響佢舖頭門口行左成9個月, 都以為佢只係賣魚旦粉牛腩麵, 估唔到竟然係打邊爐!!! 原來好出名的, 前排響十月初五街行過一間叫"李家菜"既店舖, 個名好勁咁, 見到好多煲煲, 亦見花甲煲, 都諗住擇日試, 一攞卡片, 先知呢間只係分店, 總店響風順堂葡督府後面, 仲要幾十年老字號! 咦? 咪我住果頭?! 唔覺眼既!!! 我打電話去問, 講到口水乾, 先知總店叫做"美家咖啡室"! 有印象了! 咖啡室?????一坐低, 二話不說梗係嗌招牌菜"美家花甲煲"! $128送一碟肥牛雞件, 講真, 話平其實就假, 因為個煲好細, 二人食都仲要嗌好多其他野先夠飽, 加加埋埋都三百零... 講食物, 我寄望的鮮甜湯底欠奉, 好重胡椒味, 至多越滾越有味... 花甲D肉縮晒水, 仲要甩埋... 唔係食到好多... 由於個煲細, 只可以放少少生料, 個火又細, 等好耐先滾, 分店用電磁爐相信會快好多....最驚喜的是送果碟肥牛, 雪花紋架!!!!! 厚厚地, OK林, 唔騷, 唔大林, 正呀!!!! 雞一般啦...為表示咁靚既肥牛尊敬, 索性嗌多碟! 誠意十足! 好靚丫!!!另外仲叫左粟米, 墨魚丸, 菜, 二人埋單$329, 比較貴, 但食肥牛都值...下次再去食的話, 我會揀十月初五分店, 寛敞好多...
continue reading
我第一次食清湯腩就係係呢間la...我見網上有人介紹過話好味咪去試下lo...搵左一陣...唔難搵...外表好似一間舊舊地ge茶餐廳, 原來好多人識架!!入到去梗係第一時候叫個清湯腩煲la...唔係好大煲...都要60蚊我覺有d貴, 飲左一啖湯...wa!!好重胡椒味...唔係我想像中ge味道, 不過都ok!!d肉得幾舊...都幾腍...整體上都ok ge...點知我地食哂都唔多夠, 所以再叫多一個牛肉河, 點知有驚喜, 湯底好好味, d肉腍得黎又唔會好似用左好多鬆肉粉咁冇哂咬口!!so good!!!
continue reading
天氣一向難以預測,但在數天之內嘗盡春夏秋冬的冷暖濕燥,也不知是否自從認識厄爾尼洛及溫室效應後,對天氣敏感罷了。前兩天還是又熱又濕,現在又翻起北風轉冷變乾燥了,原想在家打邊爐,但老公不想晚上在家也要忙洗碗,便決定外出吃,且一改平日吃慣的肥牛邊爐,而是試新的清湯腩花膠煲。原本打算依老陳介紹,去「正哥」吃清湯腩煲的,但怎樣找也找不著,唯折返在附近的美家咖啡室。聽說「正哥」的前身就是「美家咖啡室」,未知兩家現在的老闆是否同一人了。早在年頭隨意走進過「美家」,只有數張枱的小店,坐下叫了個清湯腩豬什撈麵醫肚。他們認認真真的把清湯腩及豬什撈麵分開,清湯腩浸在腩湯裡另上。單用嗅的會聞到牛羶味,但用吃的,牛腩鬆化有牛味,選用的牛腩邊緣有一些牛脂,是鬆化的主因,喝一口清湯,很重的胡椒風味,如像去了南粵市場吃骨煲!那天的天氣也冷,所以也覺很合時令。臨走時,老闆娘見我用相機拍照,還醒目的介紹她的各種滾煲及配料。今天再去,也就叫了個清湯腩煲,鍋子小小的是二人份量,放在酒精爐上熱著,美味不改,胡椒湯底很暖胃。老公放工過來會合我,坐下來時眼睛被鍋上的蒸汽薰到。噢,是胡椒煙霧啊!老闆娘教我們鍋子放在枱子靠牆的位子,煙便不會飄到我們的臉上。原來是有竅門的!吃過胡椒湯,鍋內的炸枝竹特別甜,我及老公爭到最後一塊,還是另叫一碟再加進去。花膠不像我看老陳在「正哥」吃到的原件一大碟,是有點失望了,而且要MOP60一碟,比「正哥」貴MOP10,老闆娘解釋來貨貴了,不得不加價。不知道「正哥」有否同樣加價,但花膠真的吃得出具膠質,在鍋裡滾了兩滾,湯也就變濃了,清湯更為美味有益。要了一碟炸綾魚球,金黃的看到有發菜,魚球咬下去不脆,卻有魚味,且有大量蔥碎混含在內,就帶青蔥的脆,沾喼汁,口味更多樣,又去膩。你會看到老闆娘的收銀台上有一罐什麼的,用蓋蓋著。是辣椒油,客枱上沒有的,味道複雜細緻,用來點牛腩或麵食,味道都很好!記得問老闆娘拿一小碟,也見有些熟客已懂得自便了。http://jules-whitekitchen.blogspot.com/
continue reading
You may be interested in