安德魯花園咖啡 (Moved) New Location

星期二帶2位星加坡朋友從香港到澳門遊玩，先去路環食早餐，試下出名萄撻啦~早上11:00到，剛巧有位，先叫3個萄撻，1人1個，萄撻新鮮出爐，香噴噴，熱辣辣，萄撻的千層酥皮香脆鬆化，沒半點油膩感，蛋醬熱透半溶，再加埋上面半焦糖脆，單是其焦糖及蛋香味已遠遠在門外已自動引領我的腳步前來，什麼卡路里及脂肪也忘得一乾二淨，只是大啖大啖咬，蛋香及酥皮味真係久久留在口腔不散，其烤焗的焦糖蛋香味令人有一種幸福滿足感。3個人叫了朱古力咖啡、泡沫咖啡、橙汁。橙汁是鮮橙色，清晰見到有橙肉，大大杯，咖啡是即叫即人手沖調，我飲的朱古力咖啡甚有水準，因為水的溫度夠熱，令朱古力及咖啡的香氣及味道足夠滲透及揮發，而兩者又彼此平衡配搭得宜，泡沫也打得幼細。咖啡配葡撻又夾得幾好．

假期專程驅車到路環買葡撻，因為以往一直覺得這家的葡撻是澳門最好吃的。買了兩件葡撻及一件朱古力牛角包，葡撻的皮不及以往般酥脆，退步了，但蛋餡還是依舊香濃，再灑點肉桂粉更能帶出香味。而朱古力牛角包就稍為強差人意了，朱古力餡吃起來像廉價朱古力醬化學的味道，外皮不夠脆還有點油，失望。

到澳門的活動離不開「賭」，而這實令人太厭倦。是日來一個郊外遊，到路環市區逛逛，順道光顧遠近馳名的安德魯花園餐廳。還未到中午十二點，店外已有人在等位，可見安德魯之歡迎程度。等了十分鐘後終可入座，餐廳的裝潢令人眼前一亮，尤其是我們所坐的天井位置。不但能夠享受冷氣，也能欣賞戶外的自然光。店員雖然廣東話不太好，但仍耐心地聆聽客人之需要，毫不表現趕急的樣子，和香港餐廳之服務態度差天共地。另外，店員也第一時間奉上餐具，可見餐廳之服務不俗。食物：1. 意式千層闊條麵 - 牛肉 ($52-)這一道菜之製法頗為特別，闊條麵及牛肉兩種配料一層一層架起這一道菜式，而非像一些連鎖比薩店只將闊條麵及牛肉分開擺放，足見心思。味道也頗佳，牛肉吃下去如一般肉醬意粉之肉醬一樣，但肉味較濃。千層麵也十分彈牙，整道菜水準出色，且見心思。2. 大蝦三文魚蟹柳沙律 ($65-)這一道菜之水準也令人喜出望外。在配料方面，餐廳採用了原隻凍鮮蝦及煙三文魚，再加上附送的檸檬汁，吃下去感覺清新。此外，餐廳也提供了不少蔬菜，確是一個健康的選擇。3. 蛋撻 ($8-)蛋撻之味道也令人一試難忘，饀料十分甜，蛋撻酥皮也十分厚，讓客人真真正正感受

環境舒適有fu~食物不過不失安德魯向來不是檸檬的必去地方這天與友人走訪路環，本想到漢記飲咖啡，去到公主友人忽然轉軚死都要食安德魯你以為去城堡飲咖啡就能當公主嗎？好了我認輸，最終冇得飲漢記咖啡友人點的煙三文魚忌廉環形麵包〜檸檬咬了一口，一個字：硬！檸檬本人老太婆牙軟吃不消過了一會兒葡撻上菜，對葡撻我表示不能抗拒可能因為地點偏遠人流吾太強勁，所以葡撻需翻熱而變得脆身，吾似市中心既瑪嘉烈葡撻較酥皮，不過我覺得這是安德魯葡撻特別的地方。畢竟是葡撻元祖之一，遊客有空可以來到路環一嚐芝士煙肉批，好粉！中間的料其實吾錯，吾太鹹，但個撻邊真的「很粉」，不推薦。喜歡包點多於意粉類的檸檬下次都係乖乖地點大家話好食既天使麵，吾再「包拗頸」雖然食物吾算太出眾，但呢度寧靜既環境仍然吸引我久不久就來坐坐，畢竟小城中想找到這種世外桃源已越來越難了。

路環店跟其他店的價錢一樣不過環境呢～ 木頭桌椅、紅磚瓦，都在顯出小店的純樸正適合來個寧靜的下午茶呢這天的葡撻依舊美味只是略為油了點冰巧克力 據說是鮮奶沖的在澳門喝飲料很多時候都是單點的，沒套餐喔所以價格有點略高，但可接受啦～這杯的味道呢，就是巧克力粉嘛糖漿隨意添加...本身就沒甜味的不喜歡～下次再買安德魯的話，想坐在路環海邊吹著海風靜靜去享受我的下午茶！！

黎到澳門既第一站就係依度喇! 去到啱啱一點, 好彩仲有一張空檯唔洗等, 我地入坐之後呢就陸陸續續有好多人係出面排晒長龍喇,估唔到平日都咁多人由於呢維園呀伯之前都試過尼間嘢，佢話尼都既千層麵唔錯嫁所以我地都毫不猶疑咁就叫左一份喇！咁一份梗係唔夠兩份食啦，於是就嗌多左份煙三文魚忌廉芝士bagel食咁多嘢咪話唔dry見個lemonade都靚靚仔仔，於是都嗌左杯嚟試下唔係等左好耐啲食物就嚟齊喇 千層麵(Lasagna): 其實個味道唔錯都幾抵食因為有超多超多免治牛肉呀!!! 但係呢忌廉貓始終覺得千層麵始終都係要麵嗰層同肉個層既比例係相同先好食，當然，尼啲嘢就好講個人口味啦(維園呀伯平反=__=||: 其實個千層麵幾好味，好有homemade feel，絕對有中上以上既質素!!)煙三文魚忌廉芝士bagel (Salmon and cream cheese bagel): 尼個包係比預期中美味呀推介!!!初時維園呀伯見到個bagel，嫌佢冇乜料到，因為入面得兩三片煙三文魚，好似唔足料咁，點知食落口不得了喇!個包烘到外脆内軟，面頭超多芝麻香到不得了。個煙三文魚雖然份量比較少，但係又香又新鮮，係出街食

自從上一篇食評收到安德魯餅店嘅回覆后，就冇再嚟呢度食嘢，今次嚟到澳門，第一時間搭車入路環睇睇。入到餐廳里面，果然仲係封住個花園，不過里面可以整番兩圍台，加番部冷氣，好過之前好多喇！原本好想食葡撻，但係次次嚟度淨係食葡撻有D寡，所以今次Order咗個芝士與蘑菇焗薯，再加個招牌自制檸水。芝士蘑菇焗薯，薯仔熱辣辣，芝士沾喺薯仔同蘑菇上面非常香，搓伴碟沙律如常地好味，但係粟米份量少咗D~出面落雨濕濕，坐里喺面嘆個早餐真係唔錯！！

早上先去路環市打個轉, 巴士26號可達, 安德魯分別有兩間, 一間外賣, 一間雅座, 並不在同一位置, 十時左右還早, 未算多人, 選擇坐吧檯, 高高的, 有些少吊腳, 先來兩件葡撻, 但並非新鮮出燼, 見員工把葡撻放在廚房門口的小焗爐翻熱, 上檯時, 還是不太夠熱, 但香味十足, 酥皮夠脆, 蛋心夠軟滑, 烘得表面微微焦燶, 想食多一件, 再來兩杯咖啡, 一杯Latte, 鮮奶佔了大半, 在底部, 咖啡反而在中間, 上面打了一些奶泡, 沒有連所咖啡店的濃, 但夠香, 唯奶泡未打致小孔全失, 滑度不足, 另一杯名為Machiatto (Espresso with milk foam) 中文名字是”瑪其朵”, 即特濃咖啡加上牛奶泡沫, 又是濃度不足, 味似Cappuccino多一些,

一年三百六十五日都咁多遊客响門口等位.............................淡到喊嘅一個湯 - 只用一個蕃茄煲 1 煲湯? 超差好過以前食過嘅牛肉漢堡 (好乾)，呢塊免治雞肉漢堡好 juicy 唔錯嘅普通焗薯，但欣賞嘅係個焗薯好熱，但上面 d 料好凍，令成件焗薯都變得好好味可能因為住附近識入面 d staff，本身 d 葡撻只係用焗爐翻熱比人，但果日啱啱廚房焗咗一批，waiter 就入去拎 2 個真係新鮮啱啱焗起嘅出黎比我地 (其他客仍係食緊果 d 翻叮嘅)...超爽 YY!! 而 Latte 本身好飲 - 安德魯沖出黎嘅任何一杯 coffee 都係好好飲嘅~

環境讓我和朋友都很舒服, 令人有點不想走的感覺!有幾名店員, 有的是中國人, 我們問過, 原來用英文問我們" order? "的是印度人(初頭以為是葡萄牙人- -)他們都很nice!伯問我們order or not, 又不嫌我們煩, 講解給我們summer special和有什麼cheese cake。而中國人樣子的staff也很有禮貌, 很有笑容! 服務態度值得一讚! 可能那個時候不太多人啦~食物方面, 有我十分期待的葡撻($8), 我們叫了3個, 吃上來是熱的, 脆的, 但我總覺得像凍了再翻熱的那種脆。不太是我的口味 不過不失而已。不過不值$8一個- - 有點覺得KFC也有得比拚!(可是KFC只是$6!)而我和朋友share了一個三文魚芝士蛋烘批, 難吃了點 ($40)因為批很有粉味, 不是脆的..味道怪怪的-_- 而且沒有cheese的咸香味和滑>< 不看名字都不知在吃什麼!反而伴碟的salad更好吃! 但沒特別, 都是用酸酸的那種salad醬。朋友點了summer special, 是一個朱古力餅上面有兩球小小的雪糕($30)整個甜品其實很細!朋友

葡挞味道十分,,馅料很足,苏皮很松脆，而且不会太厚！刚刚好！每口的葡挞都很有蛋香！再加上一点点的焦糖味！捧！ ！草莓奶昔有点过甜,不太喜欢..三文治不会太腻,下午茶刚刚好呀！ ！以下附图~大家去澳门记得要去试一下啰~

可能係臨近清明節，好多游客都放緊小長假，所以今次嚟到澳門特別多人我幫襯安德魯花園咖啡已經係嚟完一次又一次啦！食物質素好穩定。首先order咗自制檸檬水(MOP $14.00 x 3)。嚟咗咁多次都冇試過自制檸水，今次真係試咗啦！酸酸哋，好醒胃~~當然唔少得要葡撻(MOP $8.00 x 2)啦！我第一次只係點咗一個撻，但係前后兩位waiter都送錯咗三個撻俾我哋，唔知好嬲定好笑 後來因為好食，朋友都要多一個撻。。。上次食過牛肉千層麵(MOP $46.00)，覺得唔錯。今次再order過，依然都係咁美味！！！

去到路環，逛過路環市區，搵個海堤旁樹陰位睇睇書，原來都成2:30pm，係時候下午茶去，一心一意想去安德魯花園咖啡餐廳嘅，同樣目標清晰。下午茶時段唔算多人，唔使點等位就有得入。環境有啲逼，啲枱拍得無乜位行，被安排最埋牆嘅二人枱，感覺上冷氣有啲唔夠。幸好食物仍有水準，否則就要俾個喊面佢！葡撻MOP8依度嘅葡撻唔係即做，係附近街嘅老店做，再拎過嚟。有位落單先再放入焗爐輕輕翻熱，所以，效果應該會打咗折扣。泰式雞肉沙律 MOP42晌安德魯食「泰式」沙律，都算有少少破格啩。不過，唔好理，個泰式雞肉沙律確係正，有芹菜、青瓜、紅蔥頭、蕃茜、車厘茄，以及好多雞肉，配以魚露、酸醋，非常醒胃，啱晒今日咁大熱天時食。栗子芝士餅 MOP18咁嘅價一件芝士餅，真係好抵吓。栗子味勁重，相對地芝士味就比較薄，而且餅身口感稍為實咗啲，唔係擺得耐嗰種「硬」，覺得係魚膠落得多出嚟嗰種「實」，欠缺咗芝士餅一向嗰個柔軟感。木瓜奶昔 MOP20、紅蘿蔔蘋果汁 MOP18木瓜奶昔好大杯，食唔飽都可以飲飽。雖然木瓜好夠，但質感比較水，可能加奶或雪糕加得少，而且唔夠凍，要問侍應再加加冰先OK。相反，老婆杯紅蘿蔔蘋果汁正好多，飲落紅蘿蔔

黎得澳門除左去賭場之外, 有咩理由唔食葡撻呢? 今次我選擇唔係瑪嘉烈, 而係去遠少少既路環市區. 哩度有2間叫安德魯, 一係餅店咁既專做外賣, 另一間係咖啡廳形式既, 鐘意享受同hea 既朋友可以選擇哩間, 比交舒適點. 大慨等了20分鐘, 其實唔係好多人等位, 只不過係黎哩度既都係relax mode, 慢慢吃, 享受的.我們四人點了一個咸牛肉焗薯及四個葡撻哩舊咁既野牛肉餅我地幾個都食唔慣, 食落去好粉; 個焗署都還可以, 夠淋.主角始終都係佢, 唔食葡撻入黎做乜? 一人一個唔好爭! 撻皮香可口, 正!下次再黎我唔會黎哩間, 我會選擇過對面外賣o個間, 畢竟都係為左佢個葡撻

跟男朋友到澳門玩了二天 在走之後不忘到這裡食個出名的葡撻!朱古力咖啡係男朋友的 我冇試到 但佢話唔錯^^ 唔會太重朱古力味果味花茶 我要左士多啤利味, 店員會比一D茶包你自己選 但係依家係用杯送了 睇番以前食評係用玻璃茶壺送的味道都唔錯^^ 有好香的士多啤利味 而且甜甜地 紅色又好漂亮^^葡撻 熱辣辣 而且重好鬆脆 好味道! 推薦咁多位一定要試!下次再去澳門我都一定會再來這裡 悠悠閒閒的坐下 傾下計^^