余榮記咖啡葡國餐

Open Now

Now Closed

行過花城，發現咗呢一間葡國菜，感覺好似茶餐廳咁樣，但係入邊食物嘅質素都唔錯。叫咗三款嘢食，包括咖喱豬扒焗飯、豬手配薯條、葡汁焗雜菜。咖喱豬扒飯嘅豬扒好大塊，不過執同飯呢就少咗啲，但整體都幾好味。豬手配薯條係十分之好味，個豬手炸到好脆，本身有醃得好入味，佢仲配左一個特別小小嘅酸酸辣辣嘅汁，個汁係令到成件事昇華咗。葡汁雜菜嘅葡汁亦都好豐富，入邊有好多款唔同嘅蔬菜同菇類，個汁又好足夠，可以用來撈飯嘅份量。加埋三個餸，都係二百幾蚊，都真係唔錯！大碟又抵食👍🏻👍🏻

一心諗住去氹仔喜蓮食早餐,係酒店坐的士去到先發現無開門！極失望之制，個的士哥哥話有好介紹，跟著就車我哋去附近嘅余榮記，佢話佢哋啲的士大佬好多都係嚟呢度飲茶。到達時已經見個舖頭人山人海，可能今日又係澳門回歸假期，所以人都特別多，好彩都係等咗一陣就有位。今餐叫咗雪菜肉絲米粉，火腿腸一丁，豬扒一丁，餐蛋治，奶茶及華田。全部嘢食都掂！尤其雪菜同個豬扒！早餐之選。埋單$93，算貴。但我哋如果係酒店三個人食都要過百，但質素一定無呢度咁好。第日係氹仔酒店住又多一個選擇啦！

住濠景花園經常走去食, 推介為乾免治豬肉飯(好過牛肉), 其他葡菜都不錯唯一缺點是越來越貴, 差不多40元以上一碟(沒飲品), 奶茶又帶苦, 凍奶茶更甚. 午餐的質素太過參差, 有時好過香港茶餐廳, 有時差到七彩, 好難評分.