何開記 (Moved)

認識澳門一間小店，這店叫「何開記」我有一個好鍾意食白糖糕的朋友，每次一早到達澳門馬上到大三巴附近搵「何開記」呢到白糖糕有時到中午時份會賣晒點解會咁鍾意呢到既白糖糕?市面買到的白糖糕大部分會帶少少酸味的而呢到賣的味道一點都不會帶酸，厚切白糖糕入口富彈性係我地食過最好的白糖糕 ，同樣令唔鍾意食白糖糕的我從此改觀了。…查看更多

上次O黎澳門食唔到, 今次為著白糖糕而來~11/7, 12點幾, 白糖糕已經賣晒:(第2日9點再去過, 今次終於都試到啦..小小一件白糖糕, 約半寸厚, 不太甜, 質地結實, 可以話係超好味O係香港食O既, 總係甜得滯或甜到帶點酸酸地O既怪味...呢度絕對係清甜, 不往我未夠8點起身搭車過O黎白粥都有試, 有腐竹味, OK啦, 不過我覺得太浠 店舖是舊式的, 有五六十年代feel...加一件舊式中式糕點, 別有一番風味:)…查看更多

本來想去草堆街找粥吃的，但原來已經是收了工，只好嘆為何自己那麼的貪睡，要止住這舖粥癮，就找了就近一家聽聞出名白粥的小店吧。來到店門外，也真的有點猶豫，因為看來是做囍餅生意的，問了門口的店員，確認了有粥吃，就來坐一坐吧。此時只不過是十一時，但基本上是很多東西已賣光了，所有的糯米糍及白糖糕等都沒有得吃了，最後就試了最基本的三款東西，白粥、蘿蔔糕及白腸粉，款款食物也是白色的，形成一個有趣的畫面。吃着這三款食物，很不期然的就會想起中環的威記，那就立即中哂招了，因為期望基數太高，就註定是失望收場，白粥入口溫溫吞吞的，入口不太熱，很自然的會影響到吃的米香，不過不能否認，口粥入口是有不俗的米香，不過碗粥也許真的是太稀了，米花是爆開了，但就有如配給的一羹只有十粒左右，感覺就是不夠綿，實有不少的進步空間。腸粉及蘿蔔糕於同一個碟子上桌，已經加了甜醬、麻醬及辣醬，辣醬如要求的放在一旁，免得辣了唔太，麻醬薄身得來又幾香，甜醬也屬不錯，混醬腸粉來吃，腸粉軟腍也滑溜，也有一點米香，不過就稍嫌其質地有點化開，吃起來不夠順，如果店家加一點油的話，那就會解決了這個問題，不過就洐生健康這另一個問題。而那一小磚蘿蔔糕又如何？蘿蔔糕不會如吃粉，很綿而又有一點蘿蔔絲，不過論其濃度，就跟威記差遠了，不過評心而論，吃起來是還頗有蘿蔔味的，只不過是香港的威記做得太好了吧。吃畢就肚子終於有點東西了，見離訂了座跟食友吃的午餐還有點時間，好！就再吃多餐才赴會吧。…查看更多

澳門兩天美食遊，戰鬥要繼續。聽講呢度白粥好食，所以來試下。我地叫左白粥($3.5)同鬆糕($3)，亞姐仲好細心咁幫我地將鬆糕開四。:)白粥又香又綿，真係好得， 但係件鬆糕就好似放左好耐咁，唔係太好。:(…查看更多

開業80年o既老鋪,主打中式糕點,腸粉及燒賣等......早餐食物但偏偏佢係營地大街到之前總會吃了點東西才到,早餐總不在這裡吃到的xd店鋪賣完就關門,大約中午打後就沒有腸粉,白粥,燒賣等賣,要買的記緊早一點xd買了一份燒賣+腸粉魚茸燒賣鯪魚肉做o既燒賣,同香港食到o既魚肉燒賣完全唔同,鯪魚肉+小量豬肉吃起上黎更有質感,魚味極重夠沒有胡椒味等去調味,証明魚肉新鮮,難怪數量有限。腸粉則是普通貨式,沒有太大特別~~…查看更多

女朋友指定話要試呢間白糖糕，所以點都要搵到！我以為３點呢間野就收工，好彩我地都趕得切３點去。點知老闆娘同我地講原來係一點九就收工咖喇！堂食就冇，但係老闆娘話可以外賣！咁我就同女朋友一人一舊。嘩！佢ｄ白糖糕真係厚過香港個ｄ成倍咖！呢ｄ先係正宗白糖糕黎咖嘛！食落口真係甜，係清甜個隻味。不過我估係因為真係擺得太耐（人地營業時間都過左啦…係畀外賣姐…）所以有好少好少既酸味！但我估，如果早ｄ去食，應該真係好好食！絕對值得一試咖！…查看更多

重溫阿蘇的節目，見佢介紹過澳門呢間「何開記」，o黎澳門玩就試下真係幾好味喎，白糖糕冇酸味，又夠甜~燒賣好好味!!!好香冬菇味!!白粥用左腐竹煲，好滑~~~都係$3碗，超抵!!!下次可以encore...…查看更多

阿囌剛介紹那裏的白糖糕。其實四年前已經去這裡食白粥。阿婆婆好自豪自己的白粥，真材實料。腸粉也好正。那裏其實好多傳統中國糕點，但無一次食過，下次要試下白糖糕。…查看更多