法國人好享受每一餐料理，正宗嘅法國菜仲會先端上Amuse Bouche，意思就係「讓嘴巴快樂」，實際上就係餐前精緻點心。Amuse Bouche 字面意思幽默，亦展現到法國人有幾享受食嘢。呢道令你嘴巴開心嘅Amuse Bouche，仲係廚師一展創作靈感嘅機會。
喺旺角彌敦道726 號頂樓嘅Sky726，亦貫徹呢個法國料理傳統，喺限定菜單「Christmas Set」同「New Year's Eve Set」餐前端上Amuse Bouche，令你嘴巴快樂一下。
「聖誕晚餐」詳情
日期：12月24至25日 | 第一節時間：18:00至20:00 此套餐不包括「龍蝦啫喱伴蟹肉芒果莎莎」 |
日期：12月26日 | 時間：18:00至22:30（Ala Carte 與精選晚餐） |
早鳥優惠：凡於12月10日或之前訂購「聖誕晚餐」，Like & Share Sky726 Facebook Post，可享有9折優惠。 https://tinyurl.com/SKY726-XMAS2019
「除夕及新年晚餐」詳情
日期：12月31日 | 第一節時間：18:00至20:00 |
日期：1月1日 | 時間：18:00至22:30（Ala Carte 與精選晚餐） |
早鳥優惠：凡於12月10日或之前訂購「除夕及新年晚餐」，Like & Share Sky726 Facebook Post，可享有9折優惠。https://tinyurl.com/SKY726-NYE2019
Amuse Bouche
西米脆片伴慢煮帶子
今次大廚以平時少見嘅西米脆片，配上慢煮帶子作為Amuse Bouche。既然呢個係展現大廚創作力嘅機會，西米脆片當然係自家製，要將西米煮透、調味、風乾再炸脆先完成，工序都幾繁複㗎。配埋帶子同檸檬蛋黃醬食，酸甜香脆好開胃。
黑松露手撕黃油雞
黃油雞唔會好大隻，亦正因為咁肉質特別嫩。大廚就用雞湯將黃油雞煮至剛熟，更突顯到黃油雞嘅優點。手撕後伴入松露汁、三文魚籽，加埋紫椰菜花蓉、松露泡沫食，口感幾豐富。
龍蝦啫喱伴芒果莎莎
喺前菜階段，上餐湯前先試一試「啫喱湯」。龍蝦啫喱其實係龍蝦清湯製成，再加入龍蝦，蟹肉、芒果莎莎同黑魚籽，最後淋上龍蝦油，超有龍蝦香！
焗酥皮海鮮湯
酥皮即叫即焗，上枱時依然相當鬆脆，熱湯則係香濃嘅海鮮周打湯。
香煎海鱸魚伴羅馬椰菜花
海鱸魚先經過低溫慢煮，再煎封魚皮做到外脆內嫩嘅效果，配菜則有羅馬椰菜花，相比一般配菜更特別。
慢煮羊西冷伴牛油手指薯
羊西冷以60度慢煮45分鐘，有肉味而且唔會太膻，就算唔嗜羊嘅朋友都可一試。配菜擺盤精緻，有甘笋蓉、珍珠洋蔥、手指薯。
慢煮牛腹肉扒伴牛肝菌
牛腹肉以58度慢煮1小時，配上煎香嘅牛肝菌同薯蓉，份量同味道都交足功課。
72度比利時朱古力慕斯
聖誕節除咗要食得豐富，食得有氣氛都好重要。朱古力慕斯就以聖誕樹造型登場，72度朱古力甘甜味道啱啱好，唔會「死甜」。
「聖誕早午餐」
等唔切夜晚慶祝佳節，呢份「早午餐」都可以陪你過聖誕！凡Like & Share Sky726 Facebook Post，可享有7折優惠！大家可以bookmark定，睇吓揀邊款啦。
New Year’s Eve Set
「New Year’s Eve Set」同樣以西米脆片伴慢煮帶子 Amuse Bouche開始，用香脆西米同鮮帶子開開胃先。
鵝肝凍伴無花果
好鍾意頭盤就食到鵝肝，因為份量唔會太多、太膩，但又食到鵝肝獨有嘅軟滑油香，滿足吓自己。
蕃紅花藍青口忌廉湯
蕃紅花一上枱就好靚，絕對係相機食先嘅餐湯。大廚係用法國藍青口、蒜頭、乾蔥、香草煮成，但留意返因為有蕃紅花，所以孕婦不宜飲用。
慢煮黑毛豬柳伴耶路撒冷雅支竹
慢煮1小時再煎香嘅黑毛豬柳，肉質更加鬆化略彈牙，黑毛豬肉味亦理所當然比一般豬肉更濃。配菜則有耶路撒冷雅支竹脆片同薯蓉，令咁大件嘅豬柳食落完全唔膩。
牛乳浸煮魔鬼魚伴乳豬
坊間少見將魔鬼魚捲成捲物，再用牛奶、牛油浸煮8分鐘，入口軟滑亦有淡淡奶香。而且少有地將魚同乳豬加配一齊，估唔到嫩滑、脆口兩種口感一齊食又幾有驚喜。
慢煮無骨牛小排伴棋子薯
無骨牛小排先用58度慢煮1小時再煎封表面， 咬落仲有豐富肉汁。單食牛肉後，又試吓配埋棋子薯同香濃牛汁食，又有另一種滋味。
熱情果蛋白撻
熱情果蛋白撻撻底新鮮焗製，食落香脆。餡料則有香濃熱情果醬，加埋上層蛋白霜平衡甜度，味道啱啱好。
輕酌一杯 歡度聖誕除夕
Sky726 店中央就有超大個吧枱，調酒師不時推出新雞尾酒，今次就為聖誕、除夕推出3款限定口味。
White Xmas
Baileys 嘅咖啡甜酒特色，一直好受女仔歡迎。調酒師仲加埋黑朱古力、牛奶，更綿滑香甜。
Banana Split
香蕉入饌嘅飲品，都比較厚身軟滑。呢杯Banana 入口亦相當Creamy，並夾雜香蕉、朱古力同乳酪微甜酸味，好啱冬天飲。
Red Santa
想飲得清甜啲嘅，可揀呢杯Gin。以Gin 為基調再加入青檸汁、金巴利汁同蛋白。入口先飲到綿滑泡沫，後續係清爽Gin 酒。
最「滋」你心！十二月特選晚餐
講咗咁多聖誕同新年美食，仲有專屬12月嘅「December Set Dinner」。餐牌玩味與滋味並重，唔止成個12月都可以點餐，但凡Like & Share Sky726 Facebook Post，仲有85折優惠！
Sky726
地址: 旺角彌敦道724-726號25樓
電話: 23903889