Est. de Comida Portuguesa "Porto"

舊鋪無晒位，職員話要提早預訂，所以安排同事帶我地行去官也街附近分店，鋪頭好乾淨，職員好有禮貌🌟檸檬白酒煮蜆D蜆唔會過熟，好肥同鮮甜，加檸檬煮酸酸地好開胃，忍唔住不停飲個湯🌟麵包焗葡國菜麵包焗到好乾身，超脆，職員等我影完相就用鉸剪剪開，麵包焗到好乾反而吸多左醬汁，雞有少少雪味，份量好大，味道正常🌟葡式乳豬釀飯乳豬薄皮，唔似中式傳統乳豬甘會好脆皮，系屬於半脆半軟，醃得入味，最特別系個飯底，好多唔同味道加埋一齊，可以一試二個人叫左三樣食物都食唔晒，而且價錢好平，呢間需然食物唔算系高水準，但系唔難食，比起好多葡國餐廳算系好，真系每樣都好足料，價錢較平…查看更多

港珠澳大橋開通咗一段日子，係時候走一轉了解一下情況，今日比較得閒，決定走一趟。嘩！真係好方便，由香港口岸坐上金巴到達澳門口岸下車🚌，只是三十五分鐘，快👍🏻，車費亦只是$65，平👏🏻沒有特別計劃，只想行下食下嘢，再坐車返香港。晚飯时候，人在氹仔官也街，就地揾餐廳食飯。附近一帶有好多馳名嘅萄國餐廳🏚已試過，今次搵到一間叫波爾圖的葡國餐廳。餐廳有兩層，佈置都是葡國色彩✨✨燈光較暗。🔸麵包焗葡國雞MOP$83麵包焗得好香，脆卜卜，侍應幫忙用較剪先把麵包剪開，雞肉軟淋不嚡，麵包吸收咗d葡汁特別好食，仲有薯仔做配菜，扺食👍🏻🔸葡式燒銀雪魚MOP$138銀雪魚超肥美勁厚肉✨，大大塊，魚的表面有點焦香、肉質嫩滑，保留到魚嘅原汁原味，配菜用上蕃茄、洋蔥墊底、薯仔等，吸收晒魚嘅精華、正👍🏻，但可能是葡式菜餚，偏咸。🔸葡國薯茸青菜湯🥣MOP$30青菜配上薯蓉，湯嘅濃稠度適中，配餐包😋🔸葡國菠蘿汽水🥤MOP$22食葡餐除咗飲酒，葡國汽水絶不能少🤫平時喜歡飲熱情果，今次改飲菠蘿🍍埋單剛好MOP$300，食物質素加上侍應的禮貌服務，會下次再來👏🏻👏🏻…查看更多

🔹麵包焗葡國雞 $83麵包表面焗得好脆,撈埋葡汁一齊食幾特別.雞肉算幾滑不過肥肉較多,可以一試但唔係特別好食😜-🔹 脆炸馬介休球 $48說穿了就係炸過嘅薯蓉🤣薯味幾香但就覺得炸得唔脆,味道除左薯味我都食唔到有啲咩特別🤣不過其實係好味的.-🔹 葡式乳豬釀飯 $178乳豬我無食到所以比唔到comment,不過飯就炒得幾香口,但係我就覺得啲飯唔夠熱同埋太油了.-🔹 葡式燒銀雪魚 $138味道非常山色,保留到魚嘅原汁原味仲多左種微微燒香嘅味.魚皮好脆,不過偏鹹.魚肉好滑,做得很好！-🔹 檸檬白酒炒蜆 $98食唔到檸嘅酸味,但有甘甘地嘅酒味,不過好微好微,同一般炒蜆一樣,無咩特別🙈-🔹白烚椰菜 $45全店最啱我食嘅野😂菜都爽口的👍— — — — — — — — — — — — —因為太多野食了所以比個整體嘅分吧🙈健康指數:🔅所有菜式偏醎同油,好重口味.味道:🔅🔅🔅賣相🔅🔅🔅…查看更多

去澳門的次數也算多，差不多每次都會來官也街，話晒都係旅客區點都要去打下卡，不過食來食去都係豬扒包，又貴又冇得坐，開始有點悶。今次行到攰攰地，想搵間餐廳坐得舒服啲食餐飯，但係我想食啲香港冇嘅嘢，當然要搵葡國菜啦！在官也街附近一帶睇過幾間，一係就好貴，一係就冇人食。最後見到呢間平平哋就入去試吓啦！第一眼望到個餐牌見到馬介休芝士薯蓉撻，已經覺得好吸引一定要嗌，點菜時想叫四個細嘅馬介休撻，點知得返最後兩個細一個大，照殺！一食落去，唔怪得知賣晒啦！真係好好食！！！下次早點來一定要叫多幾個！之後就係芝士焗肉醬意粉，冇咩特別，呢啲穩陣野好難難食嘅。而燒豬頸肉都係一般咁樣。仲叫咗麵包焗葡國雞同埋焗軟殼蟹，個麵包上菜時職員會問下我哋需唔需要影相，之後先幫我地切開個包，值得一讚。淨係聽佢切落去果下已經知道個包脆到不得了！！葡國雞亦係不錯。$48局軟殼蟹，好細隻，朋友話幾貴，但係我覺得都OK啦！因為軟殼蟹不嬲食都貴，同埋佢都整得好好食，呢個值得一試！整體來講呢間餐廳係澳門算係性價比超高！人均消費70幾蚊已經食到超級滿足！下次再去都可以Encore.…查看更多

很多食葡國菜的餐廳, 午市過後都有落場時間, 近官也街這間便沒有。檸檬白酒炒蜆 MOP98檸檬白酒炒蜆, 賣相不錯, 蜆肉尚算飽滿, 味道鹹鮮, 可惜有沙。麵包焗葡國雞 MOP83麵包焗葡國雞, 麵包焗至外層脆卜卜, 內裡軟綿綿, 因葡汁味道不濃, 適合喜歡淡口味人士。雞肉不嚡不滑, 薯仔味濃質感偏實, 不太索汁, 只屬一般。茨絲炒馬介休 MOP103茨絲炒馬介休, 茨絲質感偏腍, 馬介休偏鹹, 與茨絲同吃, 有中和作用。下午茶餐: 葡撻 (大) + 熱飲 MOP17葡撻顏色甚淡, 是素顏版本, 味道普通, 沒有驚喜。下午茶餐: 迷你葡式小食拼盤 (馬介休球, 咖喱角, 牛肉卷) + 熱飲 MOP25小食拼盤賣相令人提不起食慾, 每款只有一件, 性價比甚低。另當日沒有牛肉卷, 改成另一款小食, 上菜時才知會客人, 實屬不妥。…查看更多

Sweet遊澳門篇❤️.今年我地再次去到澳門慶祝我地既週年紀念❤️❤️.亦都再次去到位於氹仔舊城區既波爾圖餐廳 （其實前前後後都食左3次）😂😂😂.今次因爲舊店無位，所以職員將我們領到新店既位置。新店餐桌擺放既方式比起舊店來的闊落，感覺進食空間較大，坐得都比較舒服😌。.食物方面，我地叫左：葡式乳豬釀飯🐷 ，基本上呢個乳豬飯係我地必食既菜式之一，食幾多次，幾多次都只會講好好味🙈乳豬仔燒得外脆內軟，加上炒得粒粒分明，吸收晒乳豬肉味既炒飯，好想好想講要添飯😂但實際上係做唔到，因為乳豬仔都比較肥，脂肪都唔少，每人大約食左三舊就開始覺得漏，唔可以再清碟。不過整體份量，兩個人其實都可以食得到..麵包焗葡國雞🐓，超越想像的好味。其實叫得葡國雞都唔預有咩驚喜🤷🏻‍♀️點知真有驚喜到，單單盛著葡國雞既麵包盒，佢雖然吸收著所有葡國雞汁，但當刀切入果刻，香脆聲音隨之傳入耳朵，真係用真力說話😂 葡國雞汁既椰漿味都好濃好足夠👍🏻..有佳餚當然唔少得美酒🍷.傳統既葡國果酒Sangria, 據知每家每戶既做法都會唔一樣，多數都係用橙同蘋果釀製.係波爾圖呢到就用上了檸檬同雪梨🍐，口味比起之前嘗試過的多一份清甜❤️ 岩晒同樣清甜既我們😂ig: #oksweetla …查看更多

港珠澳大橋開通一個月了，嘗試坐金巴來Macau,由於到餐廳的繁忙時段剛過，到官也街行一陣比我找到葡國餐廳，價錢合理，店員推介下，點了以下幾款：1）葡式咸豬手沙律🥗- 以為是一隻豬手，原來是切片墊底的，不過份量可以的，有十片左右，肉質乾咗少少，硬咗少少，因為本人身得咸，所以唔夠咸，其他人食的話，勉強可以接受的。沙律的菜好新鮮橄㰖油和黑醋味道配合剛剛好，唔會太過酸，好勝胃。2）麵包焗葡國雞🐓- 店員推薦的，因為製作需時，但一陣二十多分鐘就送上桌。店員為我們用餐刀切開，脆卜卜的聲音及香噴噴的麵包，已經覺得好吸引，切開麵包，入面先見到好大件的原隻雞全翼和鷄胸被濃郁的葡國汁覆蓋著，仲兩三件軟硬適中的薯仔、橄欖（兩粒）、蕃茄、辣肉腸片，夾起各一件鷄之後，原來仲有鷄脾和雞胸。即係麵包𥚃有半隻份量的雞。估唔到兩個人一齊食哂。好滿足！其實呢個最好四人一齊食。3） 三文魚天使麵 - 😋😋香味濃郁的芝士味，幼滑天使麵，自己再加少少的黑楜椒粉。非常好味道！4） 鮮菌海鮮忌廉湯 - 好香鮮磨菇🍄味，好夠熱，不過份量少咗啲，價錢偏貴咗少少，會唔會因為「海鮮」個字，所以$多少少？我食唔出有海洋味呢！我們入到餐廳才知道呢間有份參加開飯啦2018最佳西餐廳食肆之一。總括來說，無論環境、食物的質量、服務態度、怎至連洗手間的衛生程度都非常滿意。香港食肆的洗手間真係好難搵到咁乾淨整潔的了。補充，服務員好細心，時常提供有些檸檬🍋味的䁔開水給客戶。抵讚👍🏻👍🏻！不久將來，下次來試下其他推介啦！…查看更多

難得到澳門一遊，總是有種情意結想食葡國菜。因為第二天會經過官也街，便隨意找了「波爾圖」進去試一試，後來才發現氹仔舊城區有兩家「波爾圖」，而當日我們去的那一家正是位于官也街的新舖，地理位置優越，裝修也不差。因為底層已經坐滿了客人，所以店員安排了我們到二樓用餐。因為同行只有兩人，我們打算淺嚐即止，留肚再去官也街掃街，於是只喊了「葡國海鮮燴飯」、「麵包焗葡國雞」和「馬介休芝士撻」。沒想到「波爾圖」的份量頗多，建議如果同行人數不多可以先點小量食物，待上菜以後再決定是否需要加菜，以免眼闊肚窄造成浪費。馬介休芝士撻有分大和小Size，小的份量大概是一個乒乓球的大小，其實說白了就是薯蓉芝士撻，不過配合酥皮撻一口吃下去依然非常滿足。其中，麵包焗葡國雞非常出色。葡國雞以原個麵包呈上，上菜時店員會剪開外面的麵包方便食用，麵包烤得非常脆身，蘸上葡汁來吃還能吃出淡淡椰汁香，撒上了椰絲的雞肉非常可口而且入味。（題外話，其實葡國雞不是正宗的葡國菜，反而是來自澳門，話說當時來到澳門的葡萄牙人，把航行至澳門沿途各地的食材和香料融合煮出這一道葡國雞，因此葡國雞也可算是一道「混血菜」呢。）這個葡國海鮮燴飯份量頗多，飯粒吸滿了醬汁的味道，配料的海鮮相當豐富，口感有點介乎西班牙海鮮飯與意大利燴飯之間，味道和平常吃到的蕃茄燴飯有點不同，不過朋友就不太喜歡這陣蕃茄味。總括而言，「波爾圖」的食物可謂「大件夾抵食」，性價比高，論味道來說不過不失，不過總覺得葡國味不夠正宗。在澳門葡國餐廳選擇有很多，可以先和其他餐廳多作比較，如果路經官也街想坐下來吃一頓葡國菜，要求不高的話，那麼也不妨一試「波爾圖」的焗葡國雞吧。…查看更多