本來想去附近兩間比較正宗的葡菜餐廳試試運氣，怎料都滿座。行到好累，見到附近這間有客人出入又有位，就決定試一試！餐廳裝潢比較舊。侍應都好似唔憂做咁，要叫好耐先有人招呼。薯絲馬介休，炒得幾香，不過好鹹，要飲番好多水/茶。馬介休肉都幾多。葡式焗青口。這個唔錯，上枱同入口都好香，乾身，青口唔會太靭。但下面的薯蓉比較淡，欠缺了點調味。…Read More
The above review is the personal opinion of a user which does not represent OpenRice's point of view.
Like
Recommended Dishes
葡式焗青口
Dining Method
Dine In
Type of Meal
Lunch
(關於澳門美食之旅的笑料遭遇，詳情請看小弟其它澳門食評)、食完莫義記後，本來諗住去旅遊書介紹既紅屋食late lunch(4:30pm)，點知半路醒起紅屋要六點後先開，唯有係公雞同熊貓兩間中選一間...記得自己重係細路o個時，阿爸每次帶我地去澳門玩必定去當時好出名既木偶食飯，重記得門口位接待員成日都叫人過隔離公雞同熊貓食喇，因為木偶實在太多人，等成晚都唔知有冇位(現在的木偶自從幾年前試過後都唔想再去...)。o個時因為家姐唔鍾意"雞"，所以去左熊貓食，但係已經完全冇印像lu... 
呢次有位朋友話鍾意"熊貓"個名多d，所以又係去左熊貓。我地睇清楚門口個營業時間再入去問過係咪營業緊先正式入去(因為又怕俾人鬧
)，當時只得我地一檯人，又唔知好唔好食，所以先叫左以下幾款試試：食物：薯絲馬介休：比我們想像中好，新鮮炒起，幾好食。紅豆炆豬手：連唔多識欣賞豬手既我都試左舊，都幾好。牛仔肉：又okay喎，不過伴菜d薯條重受歡迎...鴨飯：okay喇，唔係勁討好但係一d都唔難食。因為以上四款都okay，所以再加左：蒜蓉包：得四細舊，都可以接受。燒沙甸魚：都係即整既，不過點解有魚鱗(係咪應該有嫁定係唔記得清乾淨)？同埋個肚位有d苦...整體來講係即叫即做，樣樣都新鮮做起，難食極都有個譜。笑料同服務：入去o個時有兩位女侍應，佢地好似唔鍾意我地呢個時候入去打擾佢地休息咁，我地幾驚個廚師訓左添呀！好彩冇特別事發生... 
