Est. de Comida Portuguesa "Porto"

閃遊澳門，行左一陣又食，想食葡國菜，趁早未係好多人去波爾圖，講起來有10年以上冇去，餐廳剛好閞門即有5位，之後好快就滿座，果然係人氣店。餐廳面積中等，裝潢有著葡國色彩，復古之感。餐牌，食物都好多選擇。葡式乳豬釀飯，$238，招牌必食，乳豬中件厚身，口感外脆肉嫩，有少少肥膏味道更香口，有入口即化之感，美味!釀飯味道酸酸甜甜好醒胃。葡式燒八瓜魚，$168，賣相不俗，八瓜魚口感太韌，味道普通。薯絲炒馬介休，$118，本物想食馬介休球，但見到薯絲又好奇試下，薯絲脆口薯味濃，味道鹹香但太油，普通。乳豬釀飯必食，服務態度幾好同坐得舒適，有機再食。氹仔舊城區地堡街泉福新村第1期第4座嘉開閣地下…Read More

去左澳門旅遊直通巴士係銀河落車擺低行李第一站就去左地堡街再行落一兩個街口就黎到個未婚妻話以前食過好想再食既波爾圖明明澳門仲有好多間米芝蓮葡國餐但佢死都要話要再黎呢一間食 星期六一點鐘黎到本身以為門口咁多人都唔洗排但原來佢地都係9既總之有個職員出黎就比左個名佢然之後竟然唔洗十分鐘就入得餐廳唔算大座位都迫迫地不過好似有間新店係官也街果邊本身諗住食唔到呢度就去果邊既二人檯小窄好在openrice都叫做有澳門版雖然就無乜人寫既叫做黎之前可以睇下有咩食牆上面仲有廚師推介上google map都有得睇見到有人話平日先有得book檯周末假期就要walkin同埋平日好似有個商務餐假期就只有呢d精選套餐算係正常價位不過就無特別想食果幾樣所以都係單點番之後好似想用我地張檯轉四人檯就問我地可唔可以調位後面呢張檯仲大張上菜都幾快焗軟殼蟹呢個好一般純芝士味又細份可以唔洗叫炸馬介休球到食完我都仲未知馬介休到底係乜就只係薯蓉波波咁既feel麵包焗葡國雞賣相就幾好又唔貴都係一舊水左右諗起旺角街市果間都要六七十上左檯仲會剪埋有脾有翼但雞肉係鞋既麻麻地汁又唔特別惹味感覺好似仲未食到有好食既葡國雞成餐唯一好食乳豬飯皮勁脆索索聲咬落啖啖肉又有肉汁有豬味但唔會蘇果隻去之前無睇過L佛介紹而家睇番個感覺周佢真係一模一樣即係三年黎個味道都好一致澳門一樣有加一埋單接近五舊水現金可以比港紙碌卡就比葡幣不過睇番銀行單計完匯率都仲平過一對一而且仲有回贈所以點計都係碌卡著數呢度侍應算係呢兩日係街舖食野比較好架啦斟水都幾密又可以有問有答轉檯果時都有幫我地拎野咁其實都食到好飽唔可以話佢係伏同貴既不過就會想試下其他葡國菜咁啦到食完出番黎都仲有人排隊但其實入面都有唔少位…Read More

🇲🇴波爾圖ep4·復活節年假嘅時候我哋唔小心又去咗澳門🤭🤭不過因為我哋實在太遲book 所以完全冇晒船返香港🤣所以最後我哋係搭金巴既 雖然佢係平少少同多車好多 但係佢實在太花時間😂😂我哋5點幾喺澳門走 最後係9點幾先返到屋企附近🙈今次我哋其實都無做啲咩 主要都係同咗朋友仔睇波同埋玩⚽️但係俾我哋勁好彩咁樣食到呢間我上次想試嘅葡國菜😍😍我哋係2點去到問佢 之後佢話2點半有一張枱俾我哋 所以我哋喺官也街行咗一陣 返去就有得食啦🇵🇹·葡式乳豬釀飯$218 l 檸檬白酒炒蜆$118我覺得佢呢間好似平過木偶 而且佢啲嘢食都真係幾唔錯😎佢個乳豬食落係再嫩啲既 而且都多啲香料 入味啲 不過我覺得佢對我黎講有啲太多肥膏🫢係好食嘅 但係真係有啲膩🤣🤣之後佢下面嗰飯都做得幾唔錯 佢係炒到好乾身好香 個炒蜆都好好食 檸檬味好出 好鮮甜🍋·脆炸馬介休球$55 l 葡國咸豬手沙律$68 l 木糠布甸$28因為我哋喺等嘅時候買咗個豬扒包食 所以我哋就唔算話嗌咗好多嘢食🤣個馬介休球都唔錯嘅 新鮮炸起熱辣辣 不過佢呢個個鹹魚味就唔係好出 係淡淡既姐🐟個豬手沙律就係用橄欖油撈既 食落都幾清新 而且啲咸豬手粒同片都幾多😈最後個木糠布甸我自己幾鍾意 佢入面真係有好多層餅乾碎 而且個布甸質感都好好🤤·#rbytravel #rbymacau·📍氹仔舊城區地堡街泉福新村第1期第4座嘉開閣地下…Read More

難得同屋企人去澳門，就梗係要食埋葡國菜先番屋企啦🤤上網見到好多人推薦呢個波爾圖，去開附近就諗住試下～因為唔知道一至四可以預先訂位，我地由4:50分左右開始等到5:30開門愈等就愈多人排隊，我地算早黎排頭幾張檯前面有兩張係有訂位嘅，聽到店員同隊尾嘅人講可能要等7點果轉先入到芝士忌廉焗蠔呢個好好食😋芝士忌廉好creamy 加埋菠菜真係食到停唔到口。本身得3隻，但侍應見我地4個人就話可以+22要多隻～焗蠔值得encore🤤葡式乳豬釀飯同想像中唔太一樣，不過味道都ok嘅～唔伏 值得一試～不過飯底偏散同濕潤之前見有人好失望個位係話唔脆，不過我今次又脆wor～可能真係撞手神咖哩牛尾煲牛尾好夠淋，咖哩味都香，薯仔幾好食😋如果蒜蓉包可以早d上 點咖哩汁應該幾好食芝士薯蓉馬介休焗酥皮呢個好特別，薯蓉中有d類似綾魚球嘅質地同味道，加外面果層脆嘅酥皮，都幾夾～檸檬香草焗法式羊架羊架超級好食～～佢地芝士焗蠔係我會再食嘅必選～好香孜然味，處理得好好，外脆內軟，又有肉汁🤤🤤不過都好睇你本身對羊嘅接受程度，屋企人話佢果舊有d羶，但我就覺得好好味😋蒜蓉包佢個蒜蓉包係薄脆果種～正常發揮，但個人比較鍾意厚身d，可以做到外脆內軟果種～可能都係因為多客～都係有漏單嘅情況出現。如果去食，見耐冇上就可能要問下～逐樣上，份量唔算多，好快就清到碟。有來餓到相都冇影就食左🤣再訪意願唔算太高，想試下其他葡國菜～～…Read More

呢間要有排隊嘅覺悟！職員話冇得電話留位。下午5點半到達見冇人排隊，原來餐廳入面已full ，職員話要到6點45分先有枱。周圍行到6點再返黎排，條隊長到要再等下一round (即係8點🥺）. 堅持繼續排之下，前面好似有人走，最終7點入到去食🥰菜湯有好強烈嘅草青味唔太識飲😢配個熱熱的包十分鬆軟，釀豬飯夠惹味，皮是軟身的，但肉十分Juicy；最出色係燒香草羊架👍羊味好出但唔羶，鋪起面嘅香草檸檬碎碎係點睛之作，上枱速度都算係咁。…Read More

周末到澳門度假，晚上想試下葡國菜，就來到呢間出名的葡菜餐廳。我們沒有訂位，幸好早到（我們晚上６點半到），店員幫我們留位。隨後有不少沒有訂位的人來到，店員都表示滿座，要等到８點才有位。我們等了半個鐘左右就有位了。　店面不是很大，但很有殖民地色彩，環境不錯。我們一家四口點了四個菜：麵包焗葡國雞，葡式乳豬釀飯，燒美國牛肋骨和咖哩雜菜。上菜很快，點完不是等了很耐就有得食。麵包焗葡國雞個麵包焗得好脆，食到卡卡聲。葡汁雞肉好入味，拼埋麵包真係唔錯配搭。店員好細心，會幫我們剪開個麵包方便食。老人家表示很喜歡。咖哩雜菜就普通咖哩汁炒雜菜，個汁送飯一流。燒美國牛肋骨意想不到燒得好好味，仲好大份，有兩大塊牛肋骨。葡式乳豬釀飯都好好食，Ｄ乳豬好厚肉，好juicy，不過葡式乳豬個皮唔脆，同平時香港食開的不同。個飯就有Ｄ似西式醬汁煮嘅飯，齋食都好味。埋單５百蚊唔駛真係好抵。食物有質素，服務態度好，價錢又合理，下次都會再食。…Read More

昨天澳門一日遊， 與朋友下午睇狂電派和 吃自助餐， 晚上到官也街逛一逛，順路買手信。 之後經過波爾圖，即興入去吃葡國菜。 我們點了麵包焗葡國雞$83， 馬介休炒西蘭花$58， 脆炸馬介休球$48， 葡式乳豬釀飯$178。葡式乳豬釀飯～ 外皮脆卜卜，肉質嫩滑， 份量都幾多，四個人食唔曬， 可能因為我們不是太肚餓吧！麵包焗葡國雞～ 包皮鬆脆， 點葡國汁吃好好味。 雞肉大概有四件， 剛剛好四個人每人一件。脆炸馬介休球～ 食不到馬介休的鹹香味， 反而好重薯仔味，比較像炸薯仔球。馬介休炒西蘭花～ 馬介休鹹鹹地炒西蘭花幾好味。一場到澳門一定要食下葡國餐， 看見波爾圖的好評也不少， 所以來試一試。…Read More

食完好耐都對呢餐意猶未盡，係值得去食的葡餐～攜媽咪過大海搵食，喺官也街附近睇咗唔少同類型葡國菜館，最終選擇行入呢間位於地堡街嘅小店😜第一眼吸引我嘅係道門啊🤣兩個人嗌咗三道菜，沙律、葡式乳豬釀飯及白酒蛤蜊意粉。沙律不過不失，但廣東人食飯一定要有菜~葡式乳豬釀飯 上檯個賣相已經好吸引，令人食指大動雖名為釀飯但只係乳豬鋪於飯面，米飯粒粒金黃香氣撲鼻，食落亦十分香口😋乳豬皮薄且脆，皮肉間未見脂肪因而不覺肥膩；肉質嫩滑有少許乳香，甚是喜愛！白酒蛤蜊意粉 蛤蜊十分清甜亦唔會有沙，白酒汁清香之餘完全吸收咗蛤蜊之甜味，大讚美中不足係意粉未能很好地吸收醬汁，有些許寡淡甚至格格不入。…Read More

澳門值得一試既葡國菜餐廳同老婆💏慶祝13週年拍拖紀念👫澳門🇲🇴吃喝玩樂之旅來到最後一站，就返香港🇭🇰我地大約7點來到餐廳但冇book位， 碰碰運氣睇有冇得食，冇就回港先搵食。佢講8點鐘來睇睇後補位，有位就比我地入去啦，咁我地為有行下等8點到試下後補啦。8點前我地再到睇睇，有位比我地，可以食埋先返香港一場來到當然一定叫乳豬釀飯🐖，再叫左焗蟹蓋🦀，同麵包焗葡國雞🐔加多果菜。 乳豬釀飯好好食，但食吾曬，因為食兩件乳豬會覺得有D溜同可能我地食曬成個麵包焗葡國雞先，D釀飯都好香口，令人回味麵包葡國雞都好食個麵包好脆，同葡汁一齊食，一流個焗蟹蓋都整得吾錯🦀個菜就相對地一般啦作為澳門🇲🇴葡國菜，揀佢黎食係不錯…Read More

《葡國咸豬手沙律》豬手不太特別，但份量足夠，整道菜味道酸酸地，幾開胃。******************************《葡式乳豬釀飯》乳豬皮脆肉嫩，多肉又唔肥，非常香口。飯底似炒過，酸甜得嚟帶點飯焦，口感豐富。******************************《脆炸馬介休球》無脆炸口感，薯仔味偏重，食唔到馬介休嘅鹹香味。******************************《地道非洲辣雞》製作時間需要20分鐘。賣相不太吸引，但味道唔錯，辣辣地帶點香草味，而且肉質嫩滑。怕辣嘅朋友不妨叫少辣。*******************“肥太攻略”******************* 「葡式乳豬釀飯是必選！」******************************…Read More

聽聞這家餐廳十分出名，所以今次來澳門公幹，中午與同事五人專程光顧中午時分到達，不用排隊，但餐廳已有不少顧客。餐廳是舊式裝修，牆上還裝上一盞盞燈，感覺典雅，頗有異國風情，但座位頗擁擠。地下座位坐滿了人，我們被安排坐二樓。二樓有一整排窗，陽光從窗透進來，較舒適。我們點了一份二人精選套餐，再單點一些特色菜式。三文魚天使麵加了很多醬汁，三文魚切得很小一粒粒，跟幾十元的意麵沒有分別。脆炸馬介休球餐廳招牌菜，所以一定要點來嚐嚐。裡面是薯仔為主，炸得很老，賣相不吸引。似炸薯蓉。葡式乳豬釀飯乳豬皮香脆，但是飯味道一般，我不太喜歡。香草燒羊胺比起西餐的羊架還失色，肉質不算嫩滑，稍嫌乾了一點。麵包焗葡國雞這款菜可以一試。上面灑了椰絲 ，麵包焗得香酥可口，雞肉也熬煮得入味，醬汁香醇，大家可以一試。二人套餐附送甜品相當失色，似美心最便宜的西餅。實在不覺得這家餐廳有什麼過人之處，如果只是打著「澳門葡國菜」的旗號就可以長做長有？未免太不思進取，菜式沒有新意，味道也只屬及格。大家前往前可以再參考其他食評才決定光顧。…Read More

黎澳門2日1夜純食住遊，上openrice，好評餐廳和收藏No.1，有無咁勁呀因為無訂檯，選擇下午茶時間黎，地堡街個間下午落場，但職員帶我們去木鐸街個間2個人叫左:葡式乳豬釀飯：不得了，完全唔油，平時係香港食開既啖啖油，呢個完全唔會！就算每人食4件都唔覺滯！必食！芝士薯蓉馬介休焗薯皮：噢，呢個味道都ok，但千萬不可2個人食，真係食2啖已好滯，太漏了...Ps而家由威尼斯人行過黎，沿途有扶手電梯，唔算辛苦。本來想第2天中午臨走前再encore，但太多人等位所以放棄了...…Read More

下午5點左右來到，不用等位，直接入座👍🏻先來一個麵包焗葡國雞，賣相非常好！麵包很脆，汁香味濃，very good，是我媽最愛！麵包沾上濃濃的葡汁，真是十分可口！再來一個澳門葡菜必吃的馬介休球，同樣香脆可口！是水準之作！最後上菜的是葡式乳豬釀飯👍🏻，飯底不會太油，乳豬皮香脆，而且乳豬的肉非常厚實，味道可口，very good！飽吃一頓，6點多離開餐廳，門外已有十數人在外排隊，真慶幸自己早到來吃！…Read More

食葡菜梗係要去澳門，又抵食又好食本來book好晒位，準時去到攞位 店內超多人坐唉！d人食飽又唔走，搞到要企一陣街。15分鐘左右，其中一位侍應問不如帶我地去附近間分店，我地當然無所謂。去到分店店內環景比總店好，可能無乜人知，包場咁濟 食到尾先有第二枱客入黎 我地暢所欲言食得勁舒服。 講返我地叫左咩野食先葡式乳豬釀飯熱辣辣 乳豬皮脆口 炒飯底又有d乳豬油 超野味葡式咖喱牛尾煲本人好少食牛尾 不過呢個牛尾煲超冧 好入味咖喱汁: 唔太辣但有咖喱味 即叫碟白飯撈汁芝士焗軟殼蟹隻蟹雖然細左dd 但鋪滿芝士焗 唔洗拆蟹可以啖啖肉 好好食但要襯熱食馬介休波波鍾意食薯仔既朋友 呢個真心推好似食炸薯仔蛋咁 好正醬燒豬肋排賣相就麻麻 原來有d內涵 肉質好冧 好入味唔需要蘸醬 有驚喜…Read More

到澳門必定要食葡國餐,找到這間位於官也街的餐廳,2個人,點餐不能太多,但每一款也想試,只好精選點餐了我們點了餐廳推薦的乳豬釀飯,大讚!皮燒得相當脆,份量不少,炒飯炒得乾身,但吸上了乳豬的油份,整碟性價比整高當然還要點馬介休其實不太了解馬介休是什麼,吃下去像薯仔球而已,但味道還不錯最後點了個檸檬白酒蜆,檸檬汁開胃,是三道菜中比較清淡的,取得了平衡餐廳環境不錯,舒適,值得再光臨👍🏻…Read More