新鴻發咖啡美食

成日見朋友嚟澳門食炒牛肉通，今次嚟澳門就試吓😋🔸法蘭西多士🟧西多士一上枱😧 個size真係巨大到有啲嚇親🤣 淨係厚度同size已經贏咗😜 原來西多士都係呢度嘅名物。表面炸到好似金磚咁，多士面塊牛油好邪惡🤤 拮幾下等佢溶落去，一切落去多士超鬆軟！落埋糖漿確真係一流🤤 食咗一半已經好飽🤭🔸 牛肉炒通粉🐮原來牛肉唔一定配炒河，炒通粉都可以好夾🤭 通粉炒得唔會過淋能夠保持彈性，仲幾入味。牛肉亦炒得啱啱好唔會過老，但我更喜歡裡面嘅配角炒洋蔥🧅 炒得好香又惹味🤭 不過可能太有鑊氣，會食到有少少鑊燶味🫢環境係舊式茶記，如果二人去嘅話好大機會要搭枱。…Read More

上個禮拜忙完一輪,就同班frd快閃澳門🇲🇴暫時嗰兩日要忘記減肥 食返兩日先😝上網見個個foodie都有食呢間,炒牛通同西多仲好出名咁 一於試試佢🤫佢嘅裝修係傳統舊冰室嘅裝修, 門口亦都有麵包櫃賣好多舊式麵包, 整體氛圍不錯🥩牛肉炒通粉 $40見到枱枱基本上都有呢一個炒通粉～牛肉味道正常 份量幾多～佢哋最值得一讚嘅就係通粉炒得好彈牙煙韌🤤乾身唔油膩, 同幾個朋友一人幾啖, 好快就清晒, 果然係其中一個澳門名物‼️味道: 8.9/10CP值: 8.7/10🥩法蘭西多士 $28.5呢個西多士真係超厚😱係平時嘅2倍以上～超震撼 鬆軟嘅厚多士入面一樣夾住花生醬🥜配住半溶嘅牛油🧈同糖漿 真係好滿足好邪惡🫣減肥中嘅我都唔理啦!!! 食咗兩舊～真係好正味道: 8.4/10CP值: 9.0/10🥩豬扒芝士菠蘿包 $32.5呢個豬扒包係我今次嚟到澳門食嘅第一個豬扒包🤩～佢特別在於combine左豬扒包和菠蘿包兩大元素一齊 入邊仲夾咗芝士🧀同煎蛋 🍳估唔到成個組合又唔錯～鹹甜鹹甜 豬扒都有肉汁不過略嫌比較薄 一場嚟到可以一試味道: 8.0/10CP值: 8.5/10🥩懷舊忌廉筒 $8呢樣食物係我從來未試過嘅～但係見到麵包櫃每一個忌廉筒都唧滿晒忌廉 就忍唔住嗌咗一個嚟食😍佢外層係硬脆 並唔係我想像中嘅酥脆～每一啖都會食到滿滿嘅忌廉 而忌廉就係舊式麵包店忌廉嘅味道 就唔係咁啱我口味啦味道: 6.2/10CP值: 8.5/10📍新鴻發咖啡美食澳門賈伯樂提督街55號富明樓新鴻發美食A號想了解更多有關減肥食譜同美食分享，就記得like同comment啦🤍…Read More

上網見太多人介紹呢間餐廳遊澳專登過嚟試有幾猛😆星期六11點到表示唔需要排隊但所謂嘅唔使排隊係我地入完去就滿座餐廳內都比較逼迫 多數要同人搭枱點餐後5分鐘左右就有食物開始到.干免治牛肉炒通粉+蛋 ($45+$3)第一次見炒通粉 似干炒牛河 好有鑊氣！通粉色水唔差 每一粒都好彈牙唔會淋牛肉爽口且數量多 加埋蛋一齊食更昇華🤤唔怪之得網上熱烈推薦 記得一定要加蛋‼️.豬扒芝士菠蘿包 ($32.5)賣相唔算吸引 食落好夾有驚喜 Share食啱啱好豬扒係薄切 咬落唔會韌 菠蘿包唔係新鮮出爐食落菠蘿皮都仲脆卜卜 但包就唔算鬆軟連埋豬扒 | 炒蛋 | 芝士一齊食口感豐富好滿足.法蘭西多士 ($28.5)一上枱有嚇親 真係好厚好巨大😳新鮮出爐好香 外脆內軟 內裡薄薄一層花生醬加上楓糖漿 好滋味 對比其他兩款就比較普通.凍鴛鴦 ($15)味道拍得住舊式嘅港式茶餐廳飲到咖啡同茶底嘅味道 又唔會太甜.凍奶茶 ($15)茶味濃 唔係重奶 鐘意奶味重嘅我就麻麻地…Read More

上網見到好多人介紹呢間西多士，去到澳門當然要同朋友一齊去試吓啦，去到餐廳好多人，等咗幾分鐘就有位算係好好彩。店員見到我哋喺香港人，已經知道我哋會叫乜嘢，哈哈😄西多士一出來真係有啲嚇親，大份到四個人先食得晒。由於新鮮整，外脆內軟，係好食嘅，如果唔使排隊，都算值得一試…Read More

呢間茶餐廳係澳門的士司機推薦，原來有廿幾年歷史，最出名就係食乾炒牛通👍🏼💗牛肉干炒通粉 (MOP $40)乾炒牛通炒得超夠鑊氣，通粉焦香爽軟，豉油皇香非常惹味，牛肉食落好淋，份量亦好多🐮，仲有洋蔥做配料🧅💗豬扒雞蛋菠蘿包 (MOP $29.5)呢到嘅香煎豬扒係薄切，冇太多調味，主要食肉嘅原味，而且冇咁油膩🐖餡料再加煎雞蛋就更豐富🍳外層菠蘿包亦烘得香脆🍍💗法蘭西多士 (MOP $28.5)西多士有成部電話咁厚😱外層炸至金黃色，麵包鬆軟唔油膩🍞中間夾心嘅花生醬更有流心效果，配埋牛油同糖漿一齊食🥜…Read More

澳門第一站就係食新鴻發，有地膽帶路，行少好多寃枉路。因為上船前食左個老麥早餐，同埋想試多幾間餐廳，所以淨係叫左法蘭西多士同牛肉炒通粉。差唔多下午一點鐘去到，餐廳入面已經坐滿人，安排左個二人位俾我地四個女仔迫埋一齊坐。甘我地四個人叫兩樣野都無甘唔好意思。係香港我已經好鐘意食西多士，花生醬、牛油，糖漿加埋一齊係無得輸！真係超厚西多士，四四方方既磚頭甘。一擺上枱已經覺得好香，切開中間查均花生醬，加埋糖漿勁好味！呢個炒通心粉係我期待左好耐，之前睇過蘋果報導澳門的士大哥推薦炒通心粉，我一直好想試下果隻鑊氣好足炒到煙煙韌韌既通心粉。點知食左一啖，我即刻晴天霹靂，通粉淋既...佢應該係煮熟左通粉放係到備用，一係就煮得太耐，一係就係炒好晒再翻熱。口感完全唔掂，無鑊氣希望愈大失望愈大。…Read More

連澳門在地人都推薦既澳門美食！新鴻發美食今日黎到好好彩唔洗排隊呢~ 黎澳門，點都要食番個豬扒包先既～豬扒包 $23個包烘到熱辣辣，食到麵包香，咬落帶少少麵粉既筋性，非常美味！係做得好出色既麵包豬扒雖然係煎既(有啲地方賣既係燒豬扒)，但我覺得味道唔錯，值得一試！法蘭西多士 $28呢件厚厚既磚頭，實在太～吸引啦！雖然未食已經知道係咩味道，但仍然會心甘情願點黎影相留念既巨無霸厚多士。我鐘意落好多糖漿～甜甜的更好食呢件性感尤物係咪令人垂涎欲滴呢個包雖然厚，但唔會炸到索曬油，薄薄既蛋皮包裹住紮實質感既麵包，中間層花生醬係流心的。唔係香港一般既空氣包呀～接下黎係另一個皇牌干炒豬扒通粉 $39食落去同乾炒牛河係一樣味，不過變左做通粉，好過癮呀通粉彈彈吓，同河粉係截然不同既感覺，乾炒+通粉呢個組合幾有火花。豬扒比較薄身，但味道還可以。熱奶茶 $12奶茶幾香濃。奶滑茶香取到個平衡，入口順滑餐牌我覺得呢度食物既價錢比香港茶記平，同埋啲野都好食，附近有好多商店，行多陣就係大三巴之類既景點又好味又就腳，我會推薦呢間餐廳比黎澳門既朋友！…Read More