Du Hsiao Yueh

我都太掛住台灣美食了，黎到澳門都要食！有曬心理準備喺五星級百老匯酒店，百老匯大街食度小月，起碼漲價幾倍。點知原來擔仔麵只係MOP$18/碗！實在太驚喜啦用夜市價錢就可以食到正宗台灣風味，好幸福阿～～　我用行動証明左佢有幾好食碗碗都清曬，連湯都乾埋！店內環境寛敞舒適，黎左兩日覺得澳門無香港咁擠逼，空間感好足夠，地方(酒店)好大，喺街度行personal space多好多，連煙味都聞少左。令成個假期可以真正放鬆好舒服古早味滷豆腐 $20個滷水汁係一絕豆皮好香，中間豆腐芯好嫩滑，一路淋汁一路食好正！超級推薦豆腐好滑好正，記得留起個汁撈埋飯擔仔麵及擔仔粿條　各$18肉燥既汁比豆腐既汁濃味，建議撈均曬成碗麵先食肉燥上面仲有啲蒜蓉，重口味，我鐘意！個蒜撈均後唔會太搶，令湯底味道更豐富。粿條係類似涼拌粉皮果種粉皮，但煙韌啲，我鐘意粿條多過麵。擔仔麵都爽口，基本上佢地既味道同配料都一樣，視乎個人鐘意邊隻麵底。但我就覺得.. why not both? 祖傳肉燥飯 $18出黎旅行唔可以帶咁細個胃~會蝕咖！食完麵繼續食飯～度小月既肉燥幾特別，佢既汁食完都會有骨膠原果種黏黏既口感，但佢放上碗既肉燥係比較瘦既，無乜肥膏。我幾鐘意呢一點。因為個人唔太愛食肥膏既口感，如果得一大舊肥肉我通常挑起佢，呢度既肉燥"肉"既比例多啲，啱我口味。呢樣就個個人唔同，有人愛肥膏香口啲，我就愛多肉啲。將莞茜同頭先留起既滷豆腐汁拌埋一齊食，爽呀點餐紙我想食多幾款食物，所以麵同飯都係點正常份量，如果想食多啲可以叫加大碗。點左4樣食物埋單都係 $81.4，好抵呀！…Read More

有聞在台灣甚為知名的度小月，主打肉燥擔仔麵，走在百老匯大街上也能吃到了。是日第四餐，正正式式的一頓晚餐，本想去附近的福龍，卻被包場。轉頭回望，友人立馬就決定去吃度小月，好像在台灣時是很好吃的，不知道澳門店如何？（利申：越近越未去過，台灣如是，日本亦如是……）　　門外置有剛才說擔仔麵的擔仔，頓時添點風味特色。室內室外，不用多說，我們依然選在後者就坐，有少許小茶寮的感覺。度小月據說緣於一八九五年，都是百多年前的事情，在自然環境因素下沒法出海捕魚時。賣擔仔麵賺錢養家，度過小月的意思，現時傳至第四代。蚵仔酥　MOP 50　　份量一般，因為蚵仔本就體形小，加上炸過，稍有收縮後就更甚。金黃不泛油，外層酥脆香口，沾上旁邊小碗椒鹽則更惹味。蚵仔不會過份乾身，亦非水分豐盈，不過不失。炸脆皮大腸　MOP 60　　再來一道香口東西，脆皮大腸有夠邪惡，可是卻是我們愛的。外層確是帶微脆，炸過也未至太油膩，再度出現的椒鹽亦是個關鍵。大腸帶彈性，煙韌富嚼勁，油脂量一般，不算豐腴。貢丸湯　MOP 20　　小盅湯品之中浮起兩粒貢丸，大概是台灣的特色？在香港不常見吧。貢丸沒有想像中那麼硬實韌口，易嚼微腍，比較易入口。湯品鹹度不高，不過略為油，還是得趁熱喝會易接受一點。蘆筍沙拉　MOP 48　　不知道是哪門子的沙拉，也許我們可以理解成蘆筍．沙拉（醬）。蘆筍保持青綠帶水分，味清甜稔而不軟爛，其實不沾醬汁，清清地更佳。擔仔粿條　MOP 18　　沒有嚐到最著名的擔仔麵，倒是選了粿條，另還有米粉一項。說是以蝦頭煮製的湯底，略帶一絲甜，不過只是輕輕一口，沒有嚐到多少。少許肉燥，有著湯的濕潤，粿條薄身，微彈。沒有碰過的祖傳肉燥飯　MOP 18，友人點的。　　只想說份量很少，吃的款式不多，質素暫時而言還是平平。麵食及飯類有一般大小及加大之分，我們點的都是前者，就只是平時食小菜加的白飯的量吧若論及性價比，要飽餐一頓，得花上不少了吧，除非是蚊型胃。如果有時間好似我地咁呢間食啲，果間又食少少咁。去到度小月應該可以一嚐多款又不懼所點既份量會過多，以致造成浪費。…Read More