RICO'S

黎到澳門 點可以唔試葡國菜！呢間餐廳係本地人推介既 上網都見到好多好評於是決定一試！鋪頭唔大 有上下層但座位都唔算多好彩我地預先上Facebook page訂定位我地叫左三個餸首先係葡式臘腸炒雜菜（$75）無影到相🙊 但佢同普通既炒雜菜無異同埋都偏多油 純粹我地想食個菜先叫下然後係見到每枱都有既薯蓉焗馬介休（$118）店主話大size兩個人都食得哂所以叫左大呢個真心好好食！口感好creamy 但又唔係話真係好膩大推！然後就係網上好多人都推介既燒雞釀飯（$148）自己就覺得有少少失望既個皮比想像中乾身 啲肉亦唔似評論講得咁滑啲飯就係西炒飯咁樣 都okay既 只係一開始既期望比較高可能今次隻雞煮耐左啦🤭總結 葡菜黎講價錢都唔貴環境呢就有啲蚊滋飛飛下扣左少少分食物味道就不過不失啦！都值得再去encore薯蓉😛或者下次去會試個個羊架同大蝦！睇落好吸引！…Read More

每次嚟澳門都一定要嚟富仕，今次都唔例外! 佢嘅鮮忌廉薯蓉焗馬介休同埋富仕燒雞釀飯係我至愛，勝在每次都保持到水準鮮忌廉薯蓉焗馬介休：第一次見到佢嘅時候，覺得個賣相好靚，靚到好似櫥窗模型食落薯蓉幼滑，好creamy，帶少少馬介休嘅咸香味，仲食到一絲絲魚肉，而且每次都係即叫即整，熱辣辣更加perfect...令人一試就愛上可能太耐無嚟，唔知幾時開始分咗 L / S size...今次唔覺意叫錯細size，有少少唔夠喉嘅感覺。富仕燒雞釀飯：去咗骨嘅雞仔大細適中，人少少都唔怕食唔晒雞皮燒得脆口，無肥雞脂肪，好放心一啖一啖連埋雞皮咁食。配合中間嘅西炒飯酸酸甜甜唔怕膩溫馨提示: 富仕舖仔細細，大家記得打電話book位呀…Read More

過大海辦點事，2點幾食午餐、跟住食雪糕，6點又食晚餐，食咩呢?妹子提議去雀仔園附近食葡菜，又好啫，好耐無食萄菜嚕。去到未夠鐘開門，在外邊長凳坐住等，差不多夠鐘就可以入去坐，店面細細，樓下大約可坐20人，樓上唔知有幾大嘞。因為一路keep住食嘢同飲嘢，大家都唔肚餓，目標為本，就點人氣的鮮忌廉薯蓉焗馬介休，同埋富仕燒雞釀飯，諗住食完叫返個木糠布甸，最後因為太飽無叫到。兩種食物都要焗，所以要等一些時間，但係每枱必點呢兩樣。等待期間欣賞吓牆上掛畫，傾吓謁都唔錯架。先來個鮮忌廉薯蓉焗馬介休香噴噴上桌，顏色有點金黃，用湯匙搯出一角，馬介休香味即時飄溢於空氣中，食落淡淡魚香，味道適中，口感creamy順滑，一人一啖，一口接一口，好快就KO曬成碟囉。正!富仕燒雞釀飯一上來店員就把它開背，翻開來發現最考功夫係去骨，如何脊柱和胸骨去掉而表皮保持完好呢?雞烤得皮脆肉嫰，好好食呀！飯粒有點濕，茄汁味較重，食味OK啦。好快滿坐架，外面已經有人等位。…Read More