街角呢間外賣小店，招牌勁搶眼👀，透明玻璃櫃排滿各式懷舊小食，腸粉、魚蛋熱辣辣冒住煙♨️。開放式廚房睇到師傅快手炒腸粉，鏟聲「噠噠」響，街坊行過都會停低買兩串🍡。無堂食位，但企喺度等都聞到陣陣咖喱香，仲有阿姐响度同熟客吹水，成個氣氛好地道～
陳皮魚蛋配秘製咖喱汁🙆🏻♀️🙆🏻♀️🙆🏻♀️🙆🏻♀️
魚蛋彈牙得嚟有淡淡陳皮香🍊，好過癮！咖喱汁唔係死辣，反而帶甜同埋有啲香料後勁，蘸多啲汁仲正。男友盲食竟然以為係泰式魚蛋，笑死😆！
XO醬炒腸粉🙆🏻♀️🙆🏻♀️🙆🏻♀️🙆🏻♀️🙆🏻♀️
腸粉炒到外皮微脆，入面軟糯，XO醬嘅蝦米同瑤柱碎爆香🔥，仲有啲蒜粒咬落卜卜脆，鹹香夠晒惹味！男友食第一啖就話：「呢個絕對係招牌啦！
雖然只係外賣檔，但食物水準拍得住茶餐廳🍴！魚蛋同腸粉都夠晒鑊氣，仲要廿蚊有找，經過絕對要掃兩盒～👌🏻 唯一要彈嘅係只收現金同八達通，無電子支付📱，記住帶散紙呀！
