泰燒遙 (Closed)

一講到Tea Set，一定以為係只啱女仔！只有甜品？！錯啦！原來都有Tea Set係啱男仕食架！！每次諗起，要同老公去食Tea Set，我就一定會同佢黎食泰燒遙。因為男女䘄啱食，最緊要夠飽肚。泰燒遙好出名的燒物！當中，有北海道元貝配青木瓜沙律、泰式香辣肉碎生菜包、泰式串燒虎蝦、燒西班牙黑毛豬豬頸肉、泰式燒雞翼、香烤法包及泰式甜品拼盤！上面的咸點類，我都好鐘意食！特別係個燒西班牙黑毛豬豬頸肉！入味而且十分嫩滑！北海道元貝，十分大隻！配上好Fresh又辣辣地既青木瓜沙律萌都好正哦！泰式菜，又點可以少咗泰式香辣肉碎生菜包？！辣度剛剛好！！啱晒愛辣的朋友！！咁特別的鳥籠係乜嘢？原來係泰式甜品拼盤！！全是泰國特式的甜品，食起上黎，特別有泰式風味！每次黎泰燒遙，都少不了要點無骨的海南雞飯。十分滑溜，雞味濃郁好味～～仲有個酸辣配合得好好的海鮮冬蔭公哦～～ 食Tea Set，又點可以唔飲椰青，仲有泰式咖啡都好好飲哦～～