Read full review
2021-06-18
1172 views
香港地真係咩都有得俾你食，只要你識得搵好食嘅嘢一定有！在好多年前到過日本旅行試過一次日式蒸籠，嗰種唔需要用任何調味、任何醃製，只需要蒸及時間，慢慢品嚐食物本身嘅鮮甜味道，已經一試難忘到現在依然記憶猶新！有同事介紹這裏都有蒸籠喎，所以就問老細啦試唔試！點知老細立刻book枱，心動不如行動 Let go 😀開心嘅日子一定要寫住及記錄今日係2021年6月8日，一進入店內恍如進入一個迷你超級市場，內裏有熊本土產名物、新鮮蔬菜🥬經過女侍應嘅介紹知道佢哋所有嘅食物甚至食用水質都係由熊本飛機直送，唔怪得知貴得有道理🤣打開本餐牌真係都唔知點樣叫先至好，第一真係唔平、第二好似樣樣野都想嘗試咁！於是就再睇吓會席（套餐），以我呢啲懶鬼有陣時叫套餐都係不二之選因為唔使諗😜一睇套餐只有一個係有我最喜愛嘅日式蒸籠，老細就立刻通知女侍應就叫呢個啦！女侍應都好悉心詢問我哋一下有啲乜嘢係唔食嘅。前菜：女侍應說沙律菜係聽莫札特嘅歌曲長大嘅，及用白川水來浸住沙律🥗，沙律爽脆新鮮，最出色嘅就係車里蕃茄唔單止新鮮仲係似生果多過似蔬菜，清新爽甜，小編本身係一響唔喜歡食蕃茄，我要猜爛蕃茄才肯食，但係今次真係好想食多啲😋😋😋三式刺身
在好多年前到過日本旅行試過一次日式蒸籠，嗰種唔需要用任何調味、任何醃製，只需要蒸及時間，慢慢品嚐食物本身嘅鮮甜味道，已經一試難忘到現在依然記憶猶新！
有同事介紹這裏都有蒸籠喎，所以就問老細啦試唔試！點知老細立刻book枱，心動不如行動 Let go 😀
開心嘅日子一定要寫住及記錄今日係2021年6月8日，一進入店內恍如進入一個迷你超級市場，內裏有熊本土產名物、新鮮蔬菜🥬
經過女侍應嘅介紹知道佢哋所有嘅食物甚至食用水質都係由熊本飛機直送，唔怪得知貴得有道理🤣
打開本餐牌真係都唔知點樣叫先至好，第一真係唔平、第二好似樣樣野都想嘗試咁！
於是就再睇吓會席（套餐），以我呢啲懶鬼有陣時叫套餐都係不二之選因為唔使諗😜
一睇套餐只有一個係有我最喜愛嘅日式蒸籠，老細就立刻通知女侍應就叫呢個啦！
女侍應都好悉心詢問我哋一下有啲乜嘢係唔食嘅。
前菜：女侍應說沙律菜係聽莫札特嘅歌曲長大嘅，及用白川水來浸住沙律🥗，沙律爽脆新鮮，最出色嘅就係車里蕃茄唔單止新鮮仲係似生果多過似蔬菜，清新爽甜，小編本身係一響唔喜歡食蕃茄，我要猜爛蕃茄才肯食，但係今次真係好想食多啲😋😋😋
三式刺身及五式壽司：新鮮又令立立😋，一定唔會食到你肚痛🥰
炸大蝦蔬菜天婦羅🍤：蝦肉新鮮結實，不過蔬菜更出色，炸番薯🍠及南瓜超香甜、炸矮瓜冇多餘嘅油份喺裏面。
今晚主角出場啦：我真係10分期待好彩冇令自己失望，熊本黑毛A4和牛、黑毛豚肉、腩肉及熊本地雞「天草大王」，聽聞天草大王響日本係可以生食㗎（當然啦作為香港人我哋都未習慣），A5和牛肉質細緻鮮嫩，脂肪比例均勻、入口即溶化，近乎完美之作😋😋😋，相比豚肉真係略為遜色，但係平心而論如果冇和牛陪伴在側，只吃豚肉其實都好好食，天草大王雞味濃郁鮮嫩。
老細立刻加追一份和牛。
順帶一提女侍應手到拿來恰到好處時間剛剛好，不過火也不減少，將食物蒸熟！
之後仲幫我哋煮好個雜炊，只係加咗隻日本農場雞蛋已經把粥帶出軟軟滑滑😋😋😋
整體而言近期最好食嘅一間餐廳之一！
回頭率甚高😋😋😋
Ps: 爭啲留咗甜品我哋揀咗個雪糕，呢一個雪糕係用茶整嘅，超級好食，喺外邊係買唔到嘅因為係廚師自己特別製作😋😋😋
Post
