Read full review
2018-08-09
86 views
今晚約咗朋友出嚟聚舊,知道天后好多嘢食,今日就特登去行吓睇吓有乜好嘢食。點知行到去威菲路見到有間叫「頭啖湯」,比佢個名吸引行去睇吓有乜嘢食,原來唔只係飲湯,仲有得打邊爐,最重要有我最愛嘅重慶麻辣雞煲。 舖頭雖然唔係好大,不過勝在啲位夠闊,又有卡位,打邊爐就最怕張枱太細,擺得個爐,放兩碟嘢已經冇晒位,依度啲卡位絕對坐得舒服,可以慢慢傾吓計。 睇埋Menu,特式火鍋湯底有四款比你揀,我梗係揀最愛嘅重慶麻辣雞煲啦!但朋友怕重慶麻辣太辣,所以我叫咗微辣,兩個人,叫咗半隻雞煲,員工好Nice,叫我地食住啲雞先再叫其他嘢。個煲嚟到香噴噴,仲有好多洋蔥同香料,賣相真係相當一流,睇唔出半隻雞原來都有咁多,材料十足。初初食落略嫌唔夠辣,點知越食就越惹味,食完啲雞都飽咗1/3。食到咁上下叫埋其他嘢先,唔食牛肉點叫打邊爐先,我就叫咗一碟細嘅美國安格斯雪花牛肉、竹笙、蟹子丸同墨魚滑。碟牛肉肥瘦分明,切得厚薄適中,又唔會太肥,食落仲好Juicy添,再加埋老闆推介嘅鮮雞蛋醬汁,啲牛又滑又鮮味;加埋蟹子丸同墨魚滑,墨魚滑好新鮮,好彈牙,一個咁惹味嘅煲放入竹笙,吸晒佢啲湯底,真係滋味無窮。臨尾加埋稻庭烏冬同油麥菜,咁
舖頭雖然唔係好大,不過勝在啲位夠闊,又有卡位,打邊爐就最怕張枱太細,擺得個爐,放兩碟嘢已經冇晒位,依度啲卡位絕對坐得舒服,可以慢慢傾吓計。
睇埋Menu,特式火鍋湯底有四款比你揀,我梗係揀最愛嘅重慶麻辣雞煲啦!但朋友怕重慶麻辣太辣,所以我叫咗微辣,兩個人,叫咗半隻雞煲,員工好Nice,叫我地食住啲雞先再叫其他嘢。
個煲嚟到香噴噴,仲有好多洋蔥同香料,賣相真係相當一流,睇唔出半隻雞原來都有咁多,材料十足。
初初食落略嫌唔夠辣,點知越食就越惹味,食完啲雞都飽咗1/3。
食到咁上下叫埋其他嘢先,唔食牛肉點叫打邊爐先,我就叫咗一碟細嘅美國安格斯雪花牛肉、竹笙、蟹子丸同墨魚滑。碟牛肉肥瘦分明,切得厚薄適中,又唔會太肥,食落仲好Juicy添,再加埋老闆推介嘅鮮雞蛋醬汁,啲牛又滑又鮮味;加埋蟹子丸同墨魚滑,墨魚滑好新鮮,好彈牙,一個咁惹味嘅煲放入竹笙,吸晒佢啲湯底,真係滋味無窮。
臨尾加埋稻庭烏冬同油麥菜,咁就真係大滿足;我成晚連碟豉油都冇用過,因為本身個湯底好夠味!
Post