朋友帶路 嚟呢間我哋一齊都bookmark咗好耐嘅手工意粉店😽
聽講之前喺Threads大推 成日都大排長龍～
等個熱潮散咁啲 即管試吓有幾堅😎
餐廳總共分2層 地面只有少數座位 (加埋outdoor)
位置都幾迫 啲人上上落落行嚟行去，好容易撞到～
門面同裝修都充滿悠閒、復古嘅氛圍感 打卡影相一流🙌🏼
41
2
.
▫️黑松露蘑菇捲捲麵💲158｜⭐️⭐️
Threads大推呢款捲捲麵，熱烈嘅討論令到我哋有好高期望🫣
捲捲麵嘅口感特別，但係偏淋身，唔算太煙韌彈牙，
黑松露醬好濃好香，蘑菇亦都唔會切到好碎，好重蘑菇味🍄🟫
但感覺上係掛汁方面仲爭些少咁🤏🏼 整體上可以再濃味啲😛
.
▫️泡菜芝士卡邦尼煙斗粉💲138｜⭐️⭐️⭐️⭐️
呢款煙斗粉反而令我有啲驚喜🤩
泡菜同芝士味道超夾，芝士味超濃厚，啱晒我哋呢啲芝士控🧀🙌🏼
煙斗粉嘅texture剛剛好🤏🏼 夠煙韌 夠掛汁💯
叫一碟2個人share就啱哂👍🏻👍🏻
.
▫️蒜蓉牛油炸單骨雞翼💲69｜⭐️⭐️
作為雞翼控嘅我哋，呢款炸雞翼嘅炸粉唔算厚，
仲要以單骨形式呈現，夠晒方便同貼心🫶🏼
不過個人認為調味方面有啲偏甜，同埋超辣！！！！！
如果唔食得辣嘅朋友仔就要留意吓～
.
▫️焦糖脆脆牛乳💲48｜⭐️⭐️⭐️
焦糖脆脆一啲都唔孤寒，有勁多，睇落勁甜😹
但係朋友話唔算太甜，還好～
.
▫️開心果白玉燕麥奶💲59｜⭐️⭐️⭐️
白玉煙煙韌韌，好q彈，打卡一流🙌🏼
開心果味同燕麥奶好夾，開心果味唔算太突出，不過不失～
