Read full review
2021-05-26
897 views
Part time 店員 Grace小姐的服務態度奇差！一間餐廳有好嘅食物，亦都需要有好嘅員工🤦🏻♀️真心希望餐廳會正視呢個問題！之前已經提早打電話去餐廳，預留坐榻榻米的位置，當時聽電話嘅員工話冇問題。點知我到餐廳（我啲朋友已經入左座）發現無榻榻米，我就問， 咦？我book左榻榻米喎🤔 但門口嘅店員Grace小姐用好惡劣嘅態度表示Check Booking簿，冇提及我要求坐榻榻米嘅事情，反而反問我，係邊位同事幫我約，話榻榻米只會提供比四位客人（我得3位），而且強調坐榻榻米有Min. Charge。Okay, Fine. 其實我本人覺得冇榻榻米坐唔梗要，但係我要嘅係一句主動講嘅Sorry，唔好意思，可惜一句都無🤷🏻♀️ 仲要用啲好似我殺咗佢屋企人嘅語氣同我講嘢，真心呆哂。本來其實真係想同朋友一齊離開餐廳，但鑒於天氣太熱，所以放棄左🥲到咗我要落Order，好不幸又係黑口黑面既Grace小姐幫我。當我點左第一道菜，佢突然轉身去幫另一台客調冷氣，然後我忍唔住問，其實你唔係幫緊我落單咩？佢竟然無視我！🤷🏻♀️我真心覺得佢太唔識尊重客人，結果我搵咗另一位店員幫我落Order。坦白講，我覺得無論一間
之前已經提早打電話去餐廳，預留坐榻榻米的位置，當時聽電話嘅員工話冇問題。點知我到餐廳（我啲朋友已經入左座）發現無榻榻米，我就問， 咦？我book左榻榻米喎🤔
但門口嘅店員Grace小姐用好惡劣嘅態度表示Check Booking簿，冇提及我要求坐榻榻米嘅事情，反而反問我，係邊位同事幫我約，話榻榻米只會提供比四位客人（我得3位），而且強調坐榻榻米有Min. Charge。Okay, Fine. 其實我本人覺得冇榻榻米坐唔梗要，但係我要嘅係一句主動講嘅Sorry，唔好意思，可惜一句都無🤷🏻♀️ 仲要用啲好似我殺咗佢屋企人嘅語氣同我講嘢，真心呆哂。本來其實真係想同朋友一齊離開餐廳，但鑒於天氣太熱，所以放棄左🥲
到咗我要落Order，好不幸又係黑口黑面既Grace小姐幫我。當我點左第一道菜，佢突然轉身去幫另一台客調冷氣，然後我忍唔住問，其實你唔係幫緊我落單咩？佢竟然無視我！🤷🏻♀️我真心覺得佢太唔識尊重客人，結果我搵咗另一位店員幫我落Order。
坦白講，我覺得無論一間餐廳嘅嘢幾好食都好，只要你唔識尊重客人，為客人帶來Hardfeeling，就算食龍肉都無味🥱
無可否認到最後餐廳嘅老闆（應該係？韓國女士）有出嚟同我講Sorry，但佢嘅粵語可能未必太好，我又唔識韓文，應該唔太清楚成件事嘅發生🥲
Post