Read full review
2022-07-13
1465 views
Bread Basket點咗餐無耐，店員就送上麵包。入邊有三款麵包，三隻都非常好味！有意式香草包、面包條，三隻都熱烘烘，配襯埋佢自家製嘅芥末醬，非常匹配！我最鍾意脆脆嘅餅乾條，上邊撒有海鹽粒，脆卜卜。Appetisers Platter $178非常豐富，有香草豬仔脾、脆炸雞、煙三文魚青瓜多士、車打芝士青辣椒。呢件煙三文魚多士不得了，細細件，但係你見佢啲三文魚仲大過件多士，非常抵食！煙三文魚嘅鹹香配襯清新嘅青瓜，一啖趣卜卜，連埋多士同埋鋪喺上面嘅魚子醬，非常之滋味！呢個青椒入邊塞滿左車打芝士，炸完之後溶化晒！包裹住喺入邊，好正，鍾意芝士嘅朋友千祈唔好錯過。今次食飯，朋友帶埋佢嘅BB嚟。順帶一提，呢度嘅店員非常細心，攞咗BB櫈啦，而且提供左BB餐具，仲成日同個BB玩氹佢開心，所以BB都非常之開心。Fettuccine with U.S. braised Beef Cheek $188佢個寬條麵食得出係自家製、新鮮製造，特別有彈性，而且顏色比起現成嘅意粉更加深色，所以蛋味濃郁。加上闊條麵好襯呢一個濃郁嘅醬汁，醬汁掛滿左係每一條麵嘅上邊。個牛面珠dum肉亦都煮到非常稔同入晒味道。Pan Fr
Bread Basket
點咗餐無耐，店員就送上麵包。入邊有三款麵包，三隻都非常好味！有意式香草包、面包條，三隻都熱烘烘，配襯埋佢自家製嘅芥末醬，非常匹配！我最鍾意脆脆嘅餅乾條，上邊撒有海鹽粒，脆卜卜。
Appetisers Platter $178非常豐富，有香草豬仔脾、脆炸雞、煙三文魚青瓜多士、車打芝士青辣椒。
呢件煙三文魚多士不得了，細細件，但係你見佢啲三文魚仲大過件多士，非常抵食！煙三文魚嘅鹹香配襯清新嘅青瓜，一啖趣卜卜，連埋多士同埋鋪喺上面嘅魚子醬，非常之滋味！
呢個青椒入邊塞滿左車打芝士，炸完之後溶化晒！包裹住喺入邊，好正，鍾意芝士嘅朋友千祈唔好錯過。
今次食飯，朋友帶埋佢嘅BB嚟。順帶一提，呢度嘅店員非常細心，攞咗BB櫈啦，而且提供左BB餐具，仲成日同個BB玩氹佢開心，所以BB都非常之開心。
Fettuccine with U.S. braised Beef Cheek $188
佢個寬條麵食得出係自家製、新鮮製造，特別有彈性，而且顏色比起現成嘅意粉更加深色，所以蛋味濃郁。加上闊條麵好襯呢一個濃郁嘅醬汁，醬汁掛滿左係每一條麵嘅上邊。個牛面珠dum肉亦都煮到非常稔同入晒味道。
Pan Fried Norwegian Salmon $188三文魚魚皮炸到脆卜卜，入邊嘅肉就煮得啱啱好，仍然好濕潤！同埋佢個白蘑菇汁有啲薯仔同埋雜菌，將三文魚嘅鮮味更加提升！
Sunflower $38朋友點嘅果汁沙冰，睇落非常吸引而且見到都係用鮮果打製製成，都算健康啊！
Pandan Pineapple $38
我飲呢一杯斑斕菠蘿果汁就非常好味，好似食緊甜品咁。有清香嘅斑斕葉味，有一層奶泡，入口creamy!
呢度嘅餐廳環境都好靚，外邊好似行過一個果園咁樣，有歐陸氣息。入邊嘅座位亦都非常寬躺，適合朋友嚟、情侶嚟或者一家大細嚟都冇問題啦！
Post
