Sake San

今餐主要食串燒同飲same 。呢到啲串燒種類比其他串燒店少，但呢度勝在口味獨特。包括淋上黃芥末醬嘅烤雞肉串，表面焦香，肉質鮮嫩多汁；厚切牛舌，烤得恰到好處，絕對唔係簿簿的牛舌片，帶有誘人嘅炭烤紋理，燒到爽脆，唔鞋口。

另外，叫左烤雞翼，外皮酥脆，內裡肉汁豐盈，色澤誘人；
強烈推薦燒鱔鱔皮燒到鬆脆，肉質能夠保持鮮嫩多汁，灑上少少鹽襯托已經好足夠。

串燒擺盤簡單卻精緻，採用傳統日式陶器，襯托出食物嘅天然美感。環境看起來溫馨，店長會時不時和客人互動，如果飲sake會好悉心幫客人揀一枝岩佢飲既酒，仲會提供酒既來源地同特色，絕對適合鍾意飲sake 既人。
整體嚟講，呢餐燒烤料理展現咗日式料理嘅精髓，食材新鮮，烹調技術出色。