糖心軒

週日一行10人喺奧海城附近玩完，由於冇預訂任何餐廳嘅情況下，經過呢間酒樓，竟然有位，於是諗都冇諗就入咗去食，希望冇伏。
10個人，叫咗九個餸，四個飯，本身以為份量咁少，會食唔飽，但竟然食得飽哂我地咁多人😀😀😀

龍蝦伊面，份量俾我哋想像中少，其實伊面都唔係好貴姐，俾多啲面都唔得？

芝麻西檸蝦球，檸檬味較重，酸酸甜甜咁，幾好食😋👍🏻

南乳翠香雞，冇乜南乳味，但係幾香口，還可以。

食到一半先記得影，雖然份量唔算多，每個餸都百零蚊左右，我地叫咗九樣嘢，除返埋每人都係百幾蚊，性價比都算高。但如果四至五個人嚟食，可能性價比就冇咁高啦。