雖然間餐廳喺間唔起眼嘅酒店裏面，但係一出𨋢，OMG🤗不同色彩與光影嘅折射，呈現出美美的萬花筒世界🌸。入到餐廳裏面，一邊鋪滿鏡面，一邊一個個樹洞，插上不同顏色的玻璃瓶，天花仲掛滿色彩繽紛的花，好開心畀這個夢幻嘅世界擁抱住
先一人一杯飲品，家姐叫咗熱情果芒果沙冰，酸酸甜甜透心涼，面頭仲有滿滿的芒果肉
我叫咗杯士多啤梨三重奏😚
呢個真係有得玩又有得飲，侍應好有耐性咁講解，先把原粒士多啤梨放在用奶打成嘅泡沫中間，用飲管篤落抔底，然後就把另一杯嘅士多啤梨奶徐徐倒落去，奶泡慢慢升起，就形成底層白色，中間粉紅色，上面白色嘅三重奏了。
先叫個小食，法國慢煮鵪鶉腿配牛油炒野菌
鵪鶉腿的的骰骰，無雞髀咁霸道。用慢煮嘅方法，保持肉質嫩滑。配上用牛油炒香野菌，好滋味
主菜揀了黃金蟹肉配黑橄欖醬意大利粉
啖啖蟹肉，面頭鋪住金箔，凸顯貴氣。意大利粉用黑橄欖煮好，配上露筍，香濃中又帶點小清新。
叫咗個甜品，拖肥屋潤，花焦蕉展
拖肥cut cake未食過，硬身，唔似食拖肥軟糖咁甜，甜度適中，伴上幾片香蕉，蕉面鋪上焦糖，有驚喜
在萬花筒世界，對住咁靚嘅環境，咁講究嘅餐具，最重要好食，唔錯唔錯
