香港洲際酒店大堂酒廊 (Closed)

約咗人飲嘢，又係決定尖沙咀，唔想去酒吧，上網做咗一輪資料蒐集，決定嚟到呢度lobby lounge Happy Hour。知道呢間酒店逢星期一到星期三，下晝六點到八點， 68款飲品及食品，定價每款HKD68。位置咁闊落，樓底又高，仲要對住一個咁大嘅海景，難怪lounge入面多數都係住客或者遊客。先叫第一round Margarita，酒味檸味做到平衡，沒有將貨就價。好飲。Pina Colada，太甜太甜太甜，就是飲到尾溶冰都仲係甜，你可想而知～Bar food叫左：薯條，其實有三種做法俾你揀，我就揀咗辣椒粉半薯條，分量唔會好大，但足夠你食啦。蝦春卷：3條，我無食到，但味道應該不錯。同伴自己食曬！魷魚圈：真心細份～味道係唔錯的。$68都係一個gimmick～跟飲品上嘅橄欖同埋雜錦豆，橄欖真係好鹹，雜錦豆就不過不失。似乎呢度飲品比食品出色。