Mamaday (Closed)

大概半年前食過一次，個陣已經係好多人排隊攞位。宜家呢間餐廳仍然好hit，堂食既話已經full booking 左，所以就叫左外賣。睇到網上大推呢兩款，我都想試下。唔好抱咁大期望鰻魚蛋包飯 ($124 +升級原條鰻魚$28)，外賣關係，店員建議唔好落蛋驚壞，因為蛋包飯係用半熟蛋，所以呢個就變左原條鰻魚。雖然餐廳忙碌，但我地都係等左15分鐘左右。返到去打開真係有驚喜好大條，大條到個盒都擺唔晒要摺起(食食下先知)，上面既木魚好香好多，鰻魚燒汁夠濃，鰻魚冇骨。米係珍珠米，粒粒圓圓的，D飯都係滿晒全個盒，非常飽!有蟹GO·又有蟹肉的·蟹蟹蟹·意大利扁麵 ($128)，有兩隻細細但滿滿肉既小蟹鉗，非常鮮美，真係唔夠喉呀~D意粉掛晒D蟹肉，汁同膏，仲有爽爽既蟹籽相伴，好正。而且拎到返屋企都唔會變腥~開心!雖然好想堂食enjoy 埋個環境，不過呢次既外賣體驗都唔錯，食物既質素的確幾高。