我愛慢煮 (孖沙街) (Closed)

慢煮工業一直都好想食㗎啦，知道佢哋係普慶坊都有間新店，下一次都想去試埋！我哋叫咗兩杯嘢飲加兩個主菜，人均都唔使200，呢個價錢可以食到慢煮，性價比真係好高！我就叫咗48小時羊後膝，有好濃烈嘅羊味，質感係軟林林，非常之柔軟，唔會過熟！朋友叫咗西冷牛扒五成熟，未上枱都聞到煎牛扒嘅香味，食落去果然牛味濃郁，早知道叫大size啦！最後我哋叫咗個紅酒慢煮梨，啲紅酒滲入左梨入邊，唔係度度都食到，而且個價錢亦都相當親民，大家有機會一定要黎試吓啦！