Read full review
2016-05-03
4298 views
離開apm覓食，黎到幾街之隔揾到一個間較隱蔽的cafe，睇落裝修環境都唔錯，menu都幾吸引，店內多人用餐但都唔使等位，有四人卡位 bar枱同普通位，我同男朋友被安排坐左係兩人位，樓底好高好空曠，係度食野令人覺得好自在放鬆。餐牌頭幾款是早餐/鐵板餐/蛋包飯等等...比較港式的餐跟住有set dinner跟餐湯沙律...仲有甜品~先黎沙律另一個係加錢轉的水牛芝士沙律，同前面個份好大對比，即刻覺得超值！兩個沙律嘅菜都係一樣的，兩個沙律個汁都係落沙律醋所以好醒胃，呢隻水牛芝士較淡味，相對少芝士味，所以配埋個蕃茄同菜食都好夾~我就叫左傳統英式早餐，即係all day breakfast啦，好豐富嘅組合，有炒蛋,香腸,煙三文魚,煙肉,蘑菇,茄汁豆,多士同薯餅---我見到之後覺得自己應該會食唔曬 炒蛋好好食！一來夠滑，二來食到好濃嘅奶味同蛋香。香腸煙三文魚煙肉同茄汁豆，呢幾樣都係基本野，食落都可以，冇咩特別。蘑菇好大粒呀，而且上面有牛奶好香，一切開入面D菇汁即便滲曬出黎，食落好juicy又重蘑菇味。多士同薯餅都係熱熱的，好香脆，不過真係大份夾抵食，俾我凈係食多士同薯餅已經飽左一大半 男朋友叫左
餐牌頭幾款是早餐/鐵板餐/蛋包飯等等...比較港式的餐跟住有set dinner跟餐湯沙律...仲有甜品~
先黎沙律
另一個係加錢轉的水牛芝士沙律，同前面個份好大對比，即刻覺得超值！兩個沙律嘅菜都係一樣的，兩個沙律個汁都係落沙律醋所以好醒胃，呢隻水牛芝士較淡味，相對少芝士味，所以配埋個蕃茄同菜食都好夾~
我就叫左傳統英式早餐，即係all day breakfast啦，好豐富嘅組合，有炒蛋,香腸,煙三文魚,煙肉,蘑菇,茄汁豆,多士同薯餅---我見到之後覺得自己應該會食唔曬
炒蛋好好食！一來夠滑，二來食到好濃嘅奶味同蛋香。香腸煙三文魚煙肉同茄汁豆，呢幾樣都係基本野，食落都可以，冇咩特別。
蘑菇好大粒呀，而且上面有牛奶好香，一切開入面D菇汁即便滲曬出黎，食落好juicy又重蘑菇味。
多士同薯餅都係熱熱的，好香脆，不過真係大份夾抵食，俾我凈係食多士同薯餅已經飽左一大半
男朋友叫左香蒜白酒蜆肉意粉，好多蜆肉呀，賣相望落都流口水。不過由於我酒精敏感就冇試啦 另外叫左兩份小食，芝士焗西蘭花同炸魚薯條
西蘭花好冧，俾一層又厚又香濃又creamy嘅芝士白汁包住，每一啖都豐富多汁。炸魚薯條，又係以為細細份驚男朋友唔夠食先叫埋，完全又係意科之外，太大份了吧～薯條多到就跌出黎 炸魚外脆內軟，一咬落去好香脆，入面D魚肉入口即融，薯條好似M記個d...如果係粗薯條會更好～
最後係跟餐飲品凍檸茶...大家都食完先記起漏左d野...就係餐湯...不過都已經食飽飽就冇追單 總結係大份抵食的，味道又唔錯，其他食物價錢都ok，係性價比高的一間餐廳。仲有靚環境，行開觀塘不妨試下。
Post
