餐廳光猛有格調，枱與枱之間唔會太逼，同朋友傾偈食飯都好舒服～
* 脆皮北京鴨（半隻）
鴨皮真係脆到「咔嚓」聲！肉質嫩滑唔柴，仲要好香鴨味，抵讚！
✿ 小籠包（4隻）
皮薄餡多，一咬爆湯！熱辣辣要小心燙嘴～
✿ 龍皇泡飯
成個砂鍋上，蝦湯超濃郁！料多到瀉：鱸魚片、蝦仁、帶子、露筍，仲有脆米增加口感，好滿足！
✿ 大紅袍沙翁（3件）
即叫即炸！外脆內軟，砂糖粒粒分明，中間仲有大紅袍奶醬流心，甜而不膩，舊式茶樓風味！
✿ 飲品：
▪️ 粉霞 - 玫瑰花mix洛神花茶，加埋雪梨同奶蓋，酸甜清新
▪️ 烟雨 - 龍井茶底+椰子奶，茶香同椰香好夾，口感順滑
2
