今次同朋友去food court隔離嘅台式餐廳
去嗰陣時間尚早，唔使等位就入得，食緊已經見到排隊嘅人龍
店內木系裝修裝修，襯白、黃色明亮清新，令人有輕鬆感覺😌
餐牌主要麵、飯、台式小食同飲品，都係親民嘅台式料理
門口仲有個外賣位賣台式飲品🧋同咖啡☕️
全部食物份量都好足，食到好飽🤭
🥢半筋半肉麵🐮🍜($86)
湯底有紅燒、麻香同蔥燒，我地揀咗紅燒
麵底就喺陽春麵同刀削麵中揀咗陽春麵🍜
牛腩夠大塊，啖啖肉，牛筋就好Q彈👍🏻
湯底濃郁，帶有少少藥材味
🥢藥膳排骨麵🐷🍜($80)
湯底用多款藥材熬製，飲落甘甜
排骨份量好多，炆得啱啱好，肉質軟腍適中👍🏻
特製嘅調味醬有啲似腐乳，都幾惹味
🥢最佳拍檔($68)
即係鹽酥雞🐤拼台灣香腸
鹽酥雞調味唔錯，入口有好香嘅九層塔同蒜香味👍🏻
台灣腸夾埋生蒜片一齊食，特別惹味
🧋蒟蒻球白桃🍑烏龍🫖($28)
茶味香濃，蒟蒻球煙煙韌韌幾好味👍🏻
🧋芝芝🧀桃桃🍑($40)
桃🍑沙冰唔會太甜，芝士奶蓋奶味香濃
睇返餐牌先知原來呢度嘅奶類飲品都係用鮮奶🥛整👍🏻
