鐵鍋照燒鰻魚飯套餐 $168
套餐配一款自選小菜同燉湯，中環嚟講算係性價比高。鰻魚飯用熱燙鐵鍋上枱，熱辣辣香噴噴。鰻魚以中式手法處理，味道食落有d似鱔糊。鰻魚肉質厚實爽彈，照燒醬汁甜鹹適中。
鹹香酥炸黃花魚
小菜嘅酥炸黃花魚份量雖然唔多，但炸到連骨頭都非常酥脆香口，啱晒送飯。
青醬焗鰻魚 $88
中西fusion嘅做法去炮製鰻魚，鰻魚焗完再炸，外脆內嫩，喺底嘅羅勒青醬味道非常清新，覆蓋喺鰻魚上面一齊食就可以減低油膩感。
黑松露蘆筍炒帶子 $178
帶子水嫩彈牙，味道鮮甜，火候掌握得啱啱好。黑松露醬味道香濃，蘆筍清脆無渣。
黑椒鳳梨牛仔骨 $148
用咗帶骨牛小排，肉質腍嫩。黑椒醬汁味道十分濃郁，加埋酸酸甜甜嘅鳳梨同大量洋蔥爆炒，夠晒惹味。
蟲草花淮山燉雞湯/黑蒜粒竹笙燉雞湯 $58
套餐本身包咗盅燉湯，不過因為我哋兩個人就再叫多咗盅。燉湯顏色清澈，味道清甜醇厚，而且非常足料，有飲緊住家湯嘅感覺。
椰奶銀耳燉桃膠 $58
我哋最後仲叫咗碗燉桃膠作為甜品收尾，椰香奶滑，加埋銀耳、桃膠增添口感，甜度適中。
。
。
4口 (中環)
中環金融街8號國際金融中心商場2樓2012號舖
。
。
