Read full review
2020-09-28
1823 views
同好朋友歎下午茶，真係一日裡面最佳嘅叉電時光❤️雖然我比較少寫Beauty，但其實我本人係好鍾意買化妝品！其中GUERLAIN就係我至愛嘅品牌之一！佢哋嘅彩珠蜜粉及小黑裙香水，幾乎我成Set儲齊！真係爆好用＆精緻！☺️最近有留意佢哋同視佳廊Sky Lounge聯乘，推出限定嘅「夏蜜蜂姿香檳下午茶」，身為Fans當然要去朝聖！😍今次個下午茶，從GUERLAIN最出名嘅蜂皇漿美肌系列中取經，採用本地蜂蜜品牌「香港原蜜」嘅龍眼蜜入饌，加上喜來登餅房行政總廚Andy Yeung及蠔酒吧主廚Oscar Chow設計，一共有10款鹹甜點心～無論係賣相定味道都超吸引！▲作為GUERLAIN Fans，當然要試「夏蜜蜂姿香檳下午茶」!另外，食下午茶仲附送GUERLAIN嘅蜂皇美肌修護禮品（價值 HK$446），又食又拎真係爽YY~🤭✦鹹點包括：香草煙肉帶子卷、蜂糖布里多士、鴨肝焦糖燉蛋個人最鍾意鴨肝焦糖燉蛋！鴨肝嘅味同燉蛋超夾，入口濃郁，燉蛋上仲有一層薄脆嘅焦糖，高質！至於香草煙肉帶子卷，入面個帶子好爽口，上面有少少柚子肉，平衡返個煙肉嘅油膩感。蜂糖布里多士，上層有一粒方形嘅法國「芝士之王」
同好朋友歎下午茶，真係一日裡面最佳嘅叉電時光❤️雖然我比較少寫Beauty，但其實我本人係好鍾意買化妝品！其中GUERLAIN就係我至愛嘅品牌之一！佢哋嘅彩珠蜜粉及小黑裙香水，幾乎我成Set儲齊！真係爆好用＆精緻！☺️
最近有留意佢哋同視佳廊Sky Lounge聯乘，推出限定嘅「夏蜜蜂姿香檳下午茶」，身為Fans當然要去朝聖！😍
夏蜜蜂姿香檳下午茶
$287
159 views
0 likes
0 comments
▲作為GUERLAIN Fans，當然要試「夏蜜蜂姿香檳下午茶」!
另外，食下午茶仲附送GUERLAIN嘅蜂皇美肌修護禮品（價值 HK$446），又食又拎真係爽YY~🤭
✦鹹點包括：香草煙肉帶子卷、蜂糖布里多士、鴨肝焦糖燉蛋
個人最鍾意鴨肝焦糖燉蛋！鴨肝嘅味同燉蛋超夾，入口濃郁，燉蛋上仲有一層薄脆嘅焦糖，高質！至於香草煙肉帶子卷，入面個帶子好爽口，上面有少少柚子肉，平衡返個煙肉嘅油膩感。蜂糖布里多士，上層有一粒方形嘅法國「芝士之王」布里芝士，質感濃厚，加埋龍眼蜜及新迷迭香，夾埋多士食，口感幾正。
✦甜點包括：蜂皇芝士餅、黃金柚子蜜蛋糕、榛子蜂巢
蜂皇芝士餅個樣係蜜蜂狀，切開糖膠，入面係橙香忌廉芝士蛋糕，伴隨餅乾食，味道都ok。黃金柚子蜜蛋糕，係核桃海綿蛋糕頂層，放上蜂蜜罐造型的鬆脆蛋白餅，中間填滿龍眼蜜，呢款我超鍾意！海綿蛋糕好軟熟，蛋白餅又脆脆地，又有蜂蜜，質感勁正！最後係榛子蜂巢，呢款顏值超高，六角形嘅層層夾餅，中間填滿榛子朱古力，雖然有少少甜膩，但食一舊，感覺剛剛好，整體都好正！
▲Perrier-Jouët巴黎之花香檳。另外，仲有龍蝦三文治、煙三文魚三文治、迷迭香檸蜜朱古力杯、焦糖馬卡龍及英式鬆餅，食完都幾飽肚！另外，飲品係Perrier-Jouët巴黎之花香檳，邊睇住維港靚景，邊飲香檳，感覺真係好寫意。🤤
▲邊歎下午茶，邊賞維港夕陽，感覺浪漫。P.S. 感謝好友幫我靚相，嚴重背光都幫我影出仙氣。😂
Post
