樂天皇朝 (雅蘭中心) (Under Renovation)

好多人去樂天皇朝食飯,都會叫佢嘅八色小籠包。小籠包就食得多，但係八隻顏色代表八種味道，呢個Gimmick都真係幾吸引，所以我去食飯嘅時候都叫咗。佢有一樣做得幾好嘅，就係有張提示紙，教你八色小籠包嘅進食次序，好似試酒咁，應該要由淡入濃。配套方面係做得幾好，可惜味道差強人意，好多款就算知道佢係邊種味道，食落去都唔係好覺，就算唔理佢係邊種味道，亦都唔見得特別出色。水煮牛肉，基本上唔知係咪因為要就返香港人嘅口味，我覺得係唔辣嘅，咁當然佢嘅唔辣係因為我食得辣啦，但係佢嘅辣都係完全冇層次，呢啲叫死辣。牛肉唔靚，配料唔豐富亦都唔出色。