Read full review
2017-06-30
2824 views
上星期去咗上環嘅PMQ元創方扮下文青， 睇下各款唔同嘅手藝，行完就緊係周圍搵下好嘢食啦。 中上環最出名嘅就係縱橫交錯嘅長、長、長命斜。沿著鴨巴甸街行上去，可以揾到一間主打有機同埋健康食物嘅餐廳《Aberdeen Street》。 呢間《Aberdeen Street》，可以話係一間環保友善餐廳， 除咗選用最有機嘅蔬果之外，仲選取咗不含基因改造嘅食材，又選用咗Bio-degradable嘅外賣餐具， 絕對為環保出咗大大力。《Aberdeen Street》 除咗係一間餐廳之外，仲係一間小酒吧， 喺happy hour時段都吸引咗好多打工仔或者遊客幫襯， 氣氛都幾熱鬧。天氣咁熱，最啱就整返一杯酸味味、涼浸浸嘅cocktail。呢杯【Fortress Hill】$85，用咗Rose， 西柚汁，以及檸檬汁。飲落醒神，夠晒refreshing。係炎炎的夏日飲番杯咁清爽嘅cocktail， 再聽下輕鬆嘅音樂， 令人暑氣全消。另外呢度仲有西班牙特飲【Sangria】$75， 呢度嘅Sangria酒味唔算太濃，可以飲出少少嘅Brandy香氣。另外又加入咗橙汁同埋各種生果粒， 以增加口感。呢間餐廳有好多
《Aberdeen Street》 除咗係一間餐廳之外，仲係一間小酒吧， 喺happy hour時段都吸引咗好多打工仔或者遊客幫襯， 氣氛都幾熱鬧。
天氣咁熱，最啱就整返一杯酸味味、涼浸浸嘅cocktail。呢杯【Fortress Hill】$85，用咗Rose， 西柚汁，以及檸檬汁。飲落醒神，夠晒refreshing。係炎炎的夏日飲番杯咁清爽嘅cocktail， 再聽下輕鬆嘅音樂， 令人暑氣全消。
另外呢度仲有西班牙特飲【Sangria】$75， 呢度嘅Sangria酒味唔算太濃，可以飲出少少嘅Brandy香氣。另外又加入咗橙汁同埋各種生果粒， 以增加口感。
呢間餐廳有好多種唔同嘅Tapas 畀人客邊飲酒、邊食一啲小食。呢個【Meatballs】 $70，選用咗優質嘅免治牛肉， 加入各款嘅香草，再淋上自家製嘅番茄醬烤焗而成。牛肉meatballs牛味濃郁，而且口感又彈牙， 令人不知不覺咁一粒一粒吞落肚。
主菜方面叫咗海鮮【Gran Pa Mussels】 $215， 呢一道青口用咗blue cheese整成，藍芝士味道獨特，有「西方腐乳」之稱，懂得欣賞嘅人會為佢著迷，藍青口新鮮，烹調時間恰到好處，青口肉夠曬嫩滑，食得出海水味，夠曬鮮甜。
【Ribeye Steak】 $180 ， 肉眼扒order咗medium熟度， 大廚將火候拿捏得相當之好， 切開牛扒後，肉質依然呈現粉嫩，而且相當juicy。肉眼扒牛味香濃， 而且有陣陣炭燒香氣， 配合埋本地有機蔬菜沙律，沙律菜爽口，淋一抹意大利黑醋，份外甜美。
最後黎一客【Chocolate mousse】$65， 呢個朱古力慕士味道令人驚喜， 朱古力味道相當濃郁， 而且口感有如泡沫一樣輕盈，非常fluffy。 甜到亦恰到好處，就算當飯後甜品亦唔會覺得太過飽滯。 鍾意食朱古力嘅朋友必定愛上。
呢間餐廳有幾間外賣app可以速遞， 就算留喺家中， 亦都可以享用美味佳餚。
呢間餐廳嘅環保概念值得嘉許，大家都為呢個地球出一分力， 惜飲惜食啦~
Post
