自從上年男朋友帶我黎食過南乳雞球就深深中毒，每隔2，3個月都會黎一次。
👇次次都係衝住呢個名物而黎，我點嘅【南乳雞球米線 $34】
大大件炸雞件連埋雞皮，一碟有成4大件好抵食 ！成件雞半點油膩感都冇，炸漿亦做得好靚，加上廚房處理油溫處理得好，迫晒多餘油份出黎，脆口到一啖咬落去就會聽到清脆嘅聲音，但入面嘅雞肉依然好Juicy。點埋南乳醬汁食，令到炸雞嘅味道完全昇華去另一層次，正到不得了！
米線就係普通一碗清湯米線加左蔥花同雪菜。
👇男朋友點嘅【鼓油王中翼撈米線 $34】
雞翼非常入味。只係因為點錯米線嘅關係，完全索唔到D鼓汁，覺得好水。見到隔離枱點左其他比較吸水嘅粉麵冇呢個情況，男朋友極度後悔點左米線😂
整體都係好味，抵食，CP值高，會繼續幫襯！
