🦞龍蝦西班牙海鮮飯真係好大盤，可以夠3個人食！除了面頭嘅龍蝦之外，仲有多款海鮮如大大隻鮮甜嘅蜆、墨魚等。龍蝦雖然唔算非常大隻，但肉質鮮甜，仲有鮮香嘅膏😋
海鮮飯係濃濃番茄味，飯內粒粒鮮番茄配上海鮮，好入味。盤旁邊還有烤成嘅脆米，口感豐富😋😋
🥗芒果黑松露鮮蝦沙律真係好香好香黑松露味，一上碟已聞到！沙律內用料都有質素，鮮蝦蝦肉彈口，還有甜甜嘅軟香芒果，撈上黑松露嘅濃香，味道夠特別！
🍄溫泉蛋菠菜大啡菇都幾有心思，面頭係溫泉蛋，配上香口菠菜，大啡菇入面夠juicy😋
ps值得一讚嘅係，店員話初初整好嘅大啡菇水準不夠好，所以特地同我地整多個，確保水準先比我地食～
呢到真係坐得舒服地食野嘅好地方，下次來食下甜品+cocktail！
