有人就推薦咗呢間！見尖沙咀都就腳就去馬！
我哋叫咗幾款小菜都唔錯！
<<蒜泥白肉>> 一碟有七塊，每一塊都夾住一塊好薄嘅青瓜！
青瓜嘅爽甜中和咗豬腩片油膩！
其實豬腩片半肥瘦係最好食，太瘦反而會好鞋口！
呢到肥瘦唔錯，值得一試！
btw呢味餸都幾考師傅刀工，因為嗰塊青瓜真係好薄下！
<<雞湯雲吞>> 係用湯碗上，一碗有6大粒，
豬肉夠彈牙，應該係半肥瘦配搭！
索晒啲雞湯食更加好味！
<<蒜片牛肉粒>>呢個唔係川菜，但我朋友話想試下喎，所以就order咗一份！
一份都有十幾廿粒！一口牛粒軟腍得嚟夠惹味，蒜片炸到金黃色，夠香脆！
兩者一齊食係一絕！推介！
<<麻婆豆腐>>略嫌唔夠辣，可能係想迎合香港人口味？
不過都夠麻，豆腐都算滑！送飯一流！
<<胡椒海中蝦>> 呢個個經理推介嘅，
我哋五個人去食，本身諗住叫5隻就夠，但經理話最少要半打！
$30一隻，咁呢鍋就$180！
講下味道先，一上枱就聞到好濃烈嘅胡椒味！
呢種蝦嘅肉質夠晒鮮甜，仲好彈牙！一食就知係新鮮蝦
可能係用煲仔上嘅關係，食晒啲蝦啲料仲Keep住熱辣辣！
