綠茶餐廳 (希慎廣場)

Open Now

Now Closed

滬菜就食得多、江浙菜就真係少食D，不過鍾意食滬菜一定都會鍾意食江浙菜。最近就去左【綠茶餐廳】既希慎分店，試下佢地既江浙菜。龍井烤鷄：呢個係佢地既招牌、基本上臺臺都必叫，所以我地都叫左。下面用龍井茶葉熏隻烤鷄，非常香茶香味。烤鷄皮脆肉嫩、非常juicy，連鷄胸都完全唔鞋。杭式片兒川：呢個之前未食過，湯入面有雪菜、筍片、瘦肉，湯比較清、但味道濃郁。麵餅醬香五花肉：香港限定，整體有D似北京填鴨，但中間鴨肉變左五花肉。五花肉本身炸左，所以比較香脆、唔會成口油。非常特別，呢個個人非常推薦。金沙鷄翼：鷄翼加左鹹蛋黃、非常香口，不過性價比不高。熗伴冰菜：個人好鍾意食冰菜、爽脆口感再加上惹味既蒜辣調味，非常開胃。海苔松仁麻球：甜甜既炸煎堆入面加左海苔松仁、鹹鹹甜甜，海苔同芝麻香味非常well balanced。西湖雷峰塔：超級精美特別既甜品，用左淮山蓉整成，味道清甜。暴打鳳梨茶：鳳梨味好濃、又唔會好甜、加左個熊仔冰非常cute。本身希慎分店既裝修都已經幾靚，而圍方新店既主題是西湖盛宴、餐廳入面有一隻真船，可以係上面食野，非常特別。