呢間「漁吉海鮮丼專門店」係我bookmark 左好耐了 好想去食
因為「漁吉」有多款丼飯選擇 用料豐富
而每個丼飯顏色都好鮮艷好靚🌈
刺身超厚切 好肥美新鮮 真係好吸引我😍
但係「漁吉」係觀塘距離我屋企真係好遠😅
呢日難得去開觀塘區 點都想食
所以就決定買丼飯返屋企慢慢嘆先😋
今次終於食咗 嘩 真係我如期中 超級正🤩
全部刺身CP值都超高 真心推薦比大家❣️
🍱 漁吉特選丼（$228）
丼飯配三文魚 油甘魚 磯煮鮑魚 海膽
三文魚籽 櫻花魷魚 赤蝦 左口魚邊及帆立貝等
嘩 赤蝦超大隻好鮮味 仲有大大隻鮑魚
真係超正呀👍🏻
🍱 豪快海鮮丼 （$158）
丼飯有三文魚 油甘魚 帆立貝 甜蝦 拖羅等
各款刺身厚身又大件 非常肥美又新鮮😋
丼飯擺碟顏色好鮮艷 配搭及排列得好靚呀😍
🍱 三文魚親子丼 （$168）
丼飯有三文魚 三文魚籽
厚切三文魚超級新鮮 好正呀
食左大半個飯 已經超飽喇🤤
🍱 海賊丼 （$148）
丼飯有油甘魚 海膽 櫻花魷魚 拖羅 蟹籽等
呢個丼飯一樣好搶眼好吸引 🤩
櫻花魷魚好滑好爽口 拖羅厚切又肥美
