Dim Sum Here Mix Seafood

去波鞋街睇鞋睇到肚餓，就去咗附近既「點心到MIX·大排檔」食野，估唔到點心同大排檔可以MIX埋 ，兩樣都係香港既特色。睇落依間野唔係開左好耐，裝修幾新幾靚，啲燈都夠光，座位寬敞，估唔到係食大排檔，價錢親民而且食物質素都唔錯。兩個人貪心少少叫左五樣野：

「冰川話梅浸聖女果 」（$38）：
未必所有朋友仔都知依樣係咩黎，簡單啲黎講係冰糖話梅浸車厘茄，本身已經好鍾意食，平時大排檔未見過有得食，所以無諗過會喺呢到會有，所以一見到就叫咗。浸完話梅嘅車厘茄酸酸甜甜，非常開胃，做前菜非常岩🤤

冰川話梅浸聖女果

「土匪牛肉 」（$78）：
「土匪雞翼」就食得多啦，「土匪牛肉」又真係未食過。牛肉配上洋蔥同辣椒仔，但唔會太辣，而且好香口，鍾意土匪既朋友仔唔可以錯過！

土匪牛肉

「花膠海鮮小米粥 」（$99）：
雖然叫咗細鍋，但已經係3-4人份量。本身驚2個人食唔哂，但佢個粥唔會太稀太稠啱啱好，而且花膠同海鮮非常足料，朋友仔不知不覺就自己食左3碗，最後食曬。

花膠海鮮小米粥

「鑊氣豉椒炒蜆」（ $89）：
忽然想食炒蜆，就叫左依碟餸，呢碟炒蜆同個名一樣，夠鑊氣，上菜果時都仲熱辣辣，調味都好夠，唔會太咸，豆豉味都好香口，送飯既話應該會仲正👍🏻

鑊氣豉椒炒蜆

「豆豉鯪魚炒時蔬 - 油麥菜」（$62）：
平時食炒菜最驚係啲菜會太油，但依碟菜唔會太油，豆豉鯪魚都夠多。

豆豉鯪魚炒時蔬