原來仲有露天茶座,嘆住中茶真係別有風味,更加可以享受下海景^^
地方好闊落,乾淨,舒服,室內,室外都睇到海景.
我地叫左上湯焗海蝦伊麵,羊肚菌燒賣,蔬汁金柚雪山包,芋蓉燉鮮奶,北京水餃,妃子笑鹹水角. 原來有白桃,人參,鳳梨烏龍茶,好特別.
上湯焗海蝦伊麵,份量好多,蝦肉爽彈鮮甜,伊麵爽口,
經過海鮮上湯浸焗,蝦同伊麵都好入味,更加鮮味,好好食.
羊肚菌燒賣,好新穎,羊肚菌有濃濃既菇味,又健康,增強免疫力^^
,豬肉打得有膠質,口感彈牙,好好味.
蔬汁金柚雪山包,擺盤同賣相都好靚,打卡一流,
外皮蘇脆,入面係柚子蜜,好清新,創新,正.
芋蓉燉鮮奶,超厚濃郁既芋蓉,燉鮮奶超香,超嫩滑,又好食,又養顏
北京水餃,可以話皮薄餡靚,肉味好鮮,有肉汁彈牙,油而不膩,好食.
妃子笑鹹水角,造型好精緻,可愛,好似藝術品^^
,外皮炸到脆卜卜,入面係鹹水角既料,又好食,又可以打卡,必叫.食完仲可以周圍散下步,欣賞下海景,真係好寫意.
