Read full review
2016-06-12
2139 views
因為Open Rice 本月宣傳嘅"和風真味祭", 見到呢間餐廳好似唔錯，就用TableMap訂枱黎試下兼同朋友黎食慶生飯。1) 唔夠樓面人手 + 食物等勁耐佢舖頭佔地三層，估計樓面同廚房/壽司bar都唔夠人。。。 我地兩個人叫八樣野。。。 竟然最後一樣野食，坐低就落左單嘅燒豚肉露筍卷，要追單追三次，等一個鐘先到！！2) 燒物，全部唔得除左有叫燒豚肉露筍卷，仲有燒牛舌，燒雞翼，燒原隻扇貝，燒茄子，燒木魚飯團。燒豚肉露筍卷，竟然可以淡而無味，令人驚訝。。燒牛舌，竟然燒嘅時候落左唔少七味粉，遮晒牛味。。。燒雞翼，又係七味粉，一啲都唔惹味，係唔好味。同友人意見一致，如果食材新鮮點會做燒物落咁多七味粉。。。究竟係想遮食材鮮味定想遮雪味？？！！燒原隻扇貝，超級驚訝。。。$68食到一隻燒到熟透嘅扇貝！！煙韌到我以為食緊燒鮑魚！！燒茄子，最正常味道，但係咁普通嘅質素竟然攞黎嘅時候職員講句"我地嘅招牌燒茄子！"....... 噢 ...... 你個招牌 ......另一"招牌"元貝海膽漢堡，味道ok. 但係點解我會同燒物一齊寫。。。 因為。。。因為。。。 舊元貝又超出我嘅預料。。。竟然係火灸左。。。
1) 唔夠樓面人手 + 食物等勁耐
佢舖頭佔地三層，估計樓面同廚房/壽司bar都唔夠人。。。 我地兩個人叫八樣野。。。 竟然最後一樣野食，坐低就落左單嘅燒豚肉露筍卷，要追單追三次，等一個鐘先到！！
2) 燒物，全部唔得
除左有叫燒豚肉露筍卷，仲有燒牛舌，燒雞翼，燒原隻扇貝，燒茄子，燒木魚飯團。
燒豚肉露筍卷，竟然可以淡而無味，令人驚訝。。
燒牛舌，竟然燒嘅時候落左唔少七味粉，遮晒牛味。。。
燒雞翼，又係七味粉，一啲都唔惹味，係唔好味。同友人意見一致，如果食材新鮮點會做燒物落咁多七味粉。。。究竟係想遮食材鮮味定想遮雪味？？！！
燒原隻扇貝，超級驚訝。。。$68食到一隻燒到熟透嘅扇貝！！煙韌到我以為食緊燒鮑魚！！
燒茄子，最正常味道，但係咁普通嘅質素竟然攞黎嘅時候職員講句"我地嘅招牌燒茄子！"....... 噢 ...... 你個招牌 ......
另一"招牌"元貝海膽漢堡，味道ok. 但係點解我會同燒物一齊寫。。。 因為。。。因為。。。 舊元貝又超出我嘅預料。。。竟然係火灸左。。。 嘥咗。。。
燒木魚飯團，正常味道，完。
3) 服務態度虛偽
我唔能夠話佢地服務差，但係個個表面好似好有禮貌。。。 但係態度假到令人。。。 反枱。。。
- 前一日有職員打俾我confirm booking, 我re-confirm係咪唔收切餅費，答左"係". 用TableMap訂枱時，亦見到寫明唔收切餅費；到我地食完飯，上買左黎個蛋糕，個職員竟然同我講："其實呢我地要收切餅費架，不過今次就唔收你啦"。 我反問："下！你同事confirm我唔洗切餅費喎" 佢仲答："可能同事唔清楚每張枱個booking啦"....... 我著晒火但係我朋友壽星公阻止我再同佢"討論"..... 我俾面壽星唯有收聲。。。
- 到埋單，另外一個職員行埋黎，我問"係咪Open Rice訂枱有折？", 同職員竟然回應我"等我問問先".... 然後我地呆坐等多十分鐘。。。 卒之令我著火嘅"切餅費女職員"黑口黑面攞住張單，有個八折印係上面，我碌卡埋單走人。
總結，唔會再去。
Post
