新沙洞澡堂 (Closed)

🚩 新沙洞澡堂呢間餐廳真係book mark咗好耐，見到好多foodie都會過嚟呢邊打卡！今日終於抽倒時間過嚟打卡啦～佢嘅位置都好方便，落車行3分鐘就到！不過依間餐廳人流都真係好多，Lunch時間可能要搵朋友預先過嚟攞位先🥹〰️〰️〰️〰️〰️〰️〰️〰️〰️〰️〰️〰️〰️〰️〰️🌈甜辣炸雞半份 $88估唔到咁大舊，而且無骨啖啖肉～用嘅應該係雞髀肉，一啲都唔柴，有少許肉汁🤤甜辣味嘅辣度唔高，偏甜口，兩個人share都幾飽🌈炸韓國午餐肉條 $58呢個真係每台必叫，本身我已經係午餐肉焚化爐，炸嘅午餐肉真係第一次食🤤一啲都唔油膩炸皮好脆口，佢仲俾咗一碟好似甜酸醬，我同男朋友都一致覺得超級夾🌈韓式拌飯 $68呢個我喺韓國旅行嗰陣時差唔多每日都會食，雖然配料好簡單，但食落去真係好驚艷，我日日食都唔會厭😭加埋半生熟嘅蛋，同埋韓國辣醬，一啖接一啖停唔到🌈新沙洞high tea set 兩人用 $328總共有兩款鹹點同六款甜點～鹹點最出色嘅係煙三文魚撻，撻皮唔會話好厚好乾，煙三文魚比嘅份量都恰到好處～二甜點我最鍾意食嘅就係牛角包窩夫！佢仲配左兩款醬俾你點—花生煉奶醬& Tiramisu醬，兩款醬都好好食，牛角包窩夫本身都好鬆脆～