北海道名物魷魚筒飯 $22
7月新出，必食！好大件，勁足料，大大舊魷魚入面包滿壽司飯，大滿足！
北海道産炙燒喜之次 $27
好爽口，唔錯！
北海道產魷魚拌辣醬軍艦 $12
啲魷魚好爽口，啲辣醬好多，有小小蓋過個味，但都可接受～
北海道產真烏賊配鱈魚子 $12
烏賊同本身鹹鹹地嘅鱈魚子幾夾～
濃厚海膽拌麵 $32
雖然外貌有啲樣衰，但撈勻之後真係好好食，海膽味好濃，大推！
白桃芭菲 $32
試過哂壽司郎啲甜品，白桃芭菲榮升最愛，最面頭有雪葩好開胃，酸酸甜甜白桃，真係勁fresh嘅甜品！
整體黎講，新出嘅魷魚筒飯真係必試！期間限定，真係唔好錯過！但真係好多人，人流源源不絕，絕對要預時間排隊，拎完籌可以行陣街先返～
