沙田人私心推介！呢間車仔麵係我近年的飯堂❤️🔥
雖然店面細細，但勝在好多餸都係即叫即炸，誠意滿分💯 每次夜麻麻食完一碗，都即刻充滿能量⚡️ 今日就同大家分享我必食嘅四大favourite !
🐟 魚肉春卷
同連鎖店嘅完全唔同！就算浸住湯，都依然食到佢即炸出爐嘅香脆感，外皮微脆，魚肉香噴噴～ 我心目中永遠嘅第一名！
🫒 蘿蔔
真心冇誇張～ 佢嘅蘿蔔鮮甜過日本便利店嘅關東煮！超級軟淋又冇渣，每次食都係水準之上，從未失手 ✅
🍗 滷水雞翼
大大隻又滷得超入味，但神奇在雞皮依然保持滑溜，一啖咬落去～ 滷香同肉汁一齊爆出嚟 🫶
🥟 忌廉粟米豬肉餃
平時粟米豬肉餃就食得多，但呢度嘅版本有驚喜！細細咀嚼，會食到一陣好似「忌廉粟米飯」嘅香濃味道，好得意！
🌶️ 溫馨提示：店內有免費自家製辣菜脯，加少少落湯真係超正～ 不過唔食得辣嘅朋友要小心，真係可以辣到噴火架 🔥
🍽️ 老河記港麵館 (沙田)
📍 沙田沙角街7-11號翠華花園A座地下6號舖
1
