見到有好多唔同款嘅三文治 好似好足料咁
買咗兩款嚟試試 又幾足料幾驚喜喎🤩🤩
📍火腿芝士蛋三文治 加肉鬆
就咁芝腿蛋治好似一啲都唔特別咁😂
但一加肉鬆成件事好似昇華晒
口感豐富咗好多 本身嘅厚蛋係好滑嘅
而肉鬆就令份三文治有啲咬口
但整體又唔會好乾好痴口 反而好易入口🥰
$25有兩大份 真係幾抵😍
嗰日我食唔晒 一半留返第二日早餐
攞焗爐焗返一樣得 一樣咁好食🤤🤤
📍香濃沙嗲牛肉滑蛋三文治
呢一款就啱晒鐘意重啲口味嘅人
沙嗲牛肉俾得一啲都唔吝嗇😂
又係大大份 同份腿芝蛋治一樣厚
但呢份就更加濃味 就好似平時食嘅沙嗲牛麵咁😂
唔同嘅係除咗沙嗲汁外 滑蛋令份三文治更易入口
唔會好乾🥰🥰🥰加上呢個味道平時比較少見
食落更驚喜🥰
